U dadatak da terminu, na jaki Jaŭhien Zaščytaŭ byŭ asudžany raniej, sudździa suda Leninskaha rajona Mahilova Viktoryja Palakova 13 lipienia prysudziła jamu jašče šeść miesiacaŭ pazbaŭleńnia voli.
Ciapier ahulny termin, na jaki asudžany Zaščytaŭ, — try hady i šeść miesiacaŭ.
Jaŭhien Zaščytaŭ spačatku byŭ asudžany 2 krasavika 2021 h. sudom Žłobinskaha rajona, jaki prysudziŭ jamu try hady pazbaŭleńnia voli ŭ kałonii ahulnaha režymu pa art. 364 KK (hvałt abo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ). Pryčynaj stała akcyja pratestu, jakaja adbyłasia ŭ Žłobinie 9 — 10 žniŭnia 2020 h. paśla prezidenckich vybaraŭ. Spravu viała sudździa Natalla Kačałava.
U červieni 2022 hoda Jaŭhienu źmianili režym adbyvańnia na turemny. Pierad hetym Zaščytava pakarali 70 sutkami štrafnoha izalatara, a potym jon jašče na dva miesiacy byŭ pieraviedzieny ŭ pamiaškańnie kamiernaha typu.
