U piatnicu musulmanie Biełarusi razam z usim isłamskim śvietam pačynajuć śviatkavać adnu z samych značnych dat u svaim kalendary — Kurban‑Bajram — śviata achviaraprynašeńnia, jakoje doŭžycca 4 dni.
Upieršyniu ŭ historyi Abjadnańnia biełaruskich musulman napiaredadni śviata było arhanizavana pałomnictva ŭ Mieku hrupy z 30 čałaviek — chadž. Sioleta taksama ŭpieršyniu padčas śviata budzie arhanizavana pryniasieńnie ŭ achviaru 15 bykoŭ.
Asnoŭnyja abrady chadžu, pa padanni, byli vyznačany Muchamadam padčas Jaho razvitalnaha pałomnictva. Heta: apranańnie ŭ asablivaje adzieńnie, stajańnie na hary Arafat i siamikratny abychod vakoł Kaaby (staražytnaha chrama, jaki źjaŭlajecca centram isłamskaha śvietu, svojeasablivaj jaho vośsiu). Toj, chto ździejsniŭ chadž, dadaje da svajho imia słova «chadžy» i moža nasić zialonuju čałmu. Chadž nadzvyčaj abjadnoŭvaje musulman va ŭsim śviecie.
Śviata achviaraprynašeńnia nahadvaje viernikam historyju Ibrahima, jakomu Haspodź zahadaŭ pryniesci ŭ achviaru syna Ismaiła. Prarok byŭ hatovy vykanać volu Boha, ale ŭ apošni momant Usiavyšni spyniŭ jaho i zamianiŭ achviaru na barana. Z taho času achviaraprynašeńnie stała formaj pakłanieńnia Bohu i nabližeńnia da Jaho.
U Kurban‑Bajram prynosiać u achviaru maładych aviečak, kozaŭ, karoŭ i viarbludaŭ. Miasa achviarnych žyvioł zvyčajna dzielać na try častki: adnu addajuć biednym, druhuju — svajakam i susiedziam, a treciuju jaduć u kole siam'i za śviatočnym stałom.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary