Ź vidam na praśpiekt i Kastryčnickuju płošču. U samym centry Minska pradajecca kvatera z ramontam
U domie, dzie znachodzicca «eks-Makdonalds», univiersam «Centralny» i ŭvachod na stancyju mietro «Kastryčnickaja», u prodažy źjaviłasia trochpakajovaja stalinka z ramontam. Nulavy kiłamietr bačny prosta z akna. Mietr kaštuje krychu bolš za dźvie tysiačy dalaraŭ, piša Realt.by.
![](http://nashaniva.com/img/w840d4webp1/photos/z_2023_07/1_40d351-xv6hu.jpg.webp)
Praśpiekt Niezaležnaści, 23 — heta taja samaja piacipaviarchovaja p-padobnaja stalinka ŭ centry Minska. Z boku praśpiekta znachodzicca ŭniviersam «Centralny», a z vulicy Enhielsa — vialikaja šylda Horizont, vy napeŭna bačyli jaje. Kvatera, miarkujučy pa fatahrafijach u abjavie, vuhłavaja, i z akna bačny i praśpiekt, i Kastryčnickaja płošča, i Kupałaŭski teatr.
U trochpakajovaj kvatery — 83 kvadraty ahulnaj płoščy, žyłyja — 53. Kuchnia zajmaje 7 mietraŭ. Kvatera śvietłaja, u kuchni z bytavoj techniki jość chaładzilnik i pasudamyjka.
![](http://nashaniva.com/img/w732d4webp1/photos/z_2023_07/721aa7d4e163f6a731451eb803e8009a-v5t02.jpg.webp)
![](http://nashaniva.com/img/w732d4webp1/photos/z_2023_07/25833fbd52a96dabebe4399ec7e0bf9c-va1ey.jpg.webp)
U prastornaj haścioŭni staić vialikaja kanapa, stoł z kresłami (abiedziennaja hrupa jość i ŭ kuchni).
![](http://nashaniva.com/img/w732d4webp1/photos/z_2023_07/e08ad7500c4db3bc7ca5073b6aeaa878-wt4b9.jpg.webp)
![](http://nashaniva.com/img/w732d4webp1/photos/z_2023_07/d8bcd16231d99aa0832bcac45051e7c5-w5pce.jpg.webp)
![](http://nashaniva.com/img/w732d4webp1/photos/z_2023_07/119c8d97f1367ed9e9e5159a5ef69f8b-ri8cg.jpg.webp)
U spalni — dvuchspalny łožak i šafa. Jość i jašče adna izalavanaja spalnia.
![](http://nashaniva.com/img/w732d4webp1/photos/z_2023_07/8_17b5ef-qa9hj.jpg.webp)
Sanvuzieł u kvatery sumieščany. Ustalavana vanna. Jość pralnaja mašyna.
![](http://nashaniva.com/img/w732d4webp1/photos/z_2023_07/18_45896a-qdily.jpg.webp)
Stoli ŭ kvatery — 3,20. Ustanoŭleny trochkamiernyja škłopakiety. U 2020 hodzie ŭ domie byŭ kapramont. U kvatery zamianili ŭsie kamunikacyi, elektryku i radyjatary.
![](http://nashaniva.com/img/w732d4webp1/photos/z_2023_07/2083751d36cef9dfff27048db5b444a3-ez6t6.jpg.webp)
Cana kvatery — 179 900 dalaraŭ.
Kamientary