Rymašeŭski: Rytaryčnaje pytańnie, kolki jašče budzie vyjaŭlena ahientaŭ śpiecsłužbaŭ z supołki Dźmitruka. Ale heta nie BCHD
Paśla publikacyi artykuła na «Našaj Nivie» pra toje, što adzin ź lidaraŭ partyi BCHD Jaŭhien Dudkin akazaŭsia ahientam KDB, z redakcyjaj asobna pahutaryŭ Vital Rymašeŭski.
«Jaŭhien Dudkin, jaki naležyć da supołki Hieorhija Dźmitruka, nijakaha dačynieńnia da BCHD nie maje (ni da arhkamiteta pa stvareńni partyi BCHD, jakaja praciahvaje pracavać unutry krainy, ni da frakcyi biełaruskich chryścijanskich demakrataŭ u Kaardynacyjnaj radzie, ni da inšych inicyjatyŭ chryścijanskich demakrataŭ).
Hieorhij Dźmitruk byŭ vyklučany z partyi BCHD u 2022 hodzie. Z taho času jon na roznych placoŭkach i ŚMI sprabuje vydać svaju hrupu ź siami čałaviek za pradstaŭnikoŭ biełaruskich chryścijanskich demakrataŭ. Jany zarehistravali svaju fundacyju, jakaja nazyvajecca BCHD. Dla čaho jany heta zrabili, mnie składana skazać. Ale ŭsio, što rabiła hetaja supołka ź siami čałaviek ciaham apošnich dvuch hadoŭ — heta adny pravakacyi i napadki ŭ dačynieńni da biełaruskich chryścijanskich demakrataŭ.
Pahladzicie publikacyi Jaŭhiena Dudkina, jon nie raz nakidvaŭsia piersanalna na mianie i na inšych siabraŭ BCHD. Hetak sama rabiŭ Dźmitruk. Kanstruktyŭnaj dziejnaści ja ad ich nie bačyŭ, jany tolki atakujuć nas. Tak praź dziejnaść ahientaŭ KDB śviadoma dyskredytujucca ŭsie chryścijanskija demakraty», — abaznačyŭ palityk.
Raniej my pisali pra razborki ŭ partyi, u vyniku jakich atrymalisia roznyja adhalinavańni. Vital Rymašeŭski padkreślivaje, što Jaŭhien Dudkin i Hieorhij Dźmitruk nijakaha dačynieńnia da sapraŭdnych biełaruskich chryścijanskich demakrataŭ nie majuć.
«Ja nahadaju, što ŭ śpisie [ «Salidarnaść»] na vybary ŭ KR, u jakim taksama išli Dudkin i Dźmitruk, jaki jany skłali razam s sacyjał-demakratami Jaŭhiena Vilskaha, tolki tam byli vyjaŭlenyja stukačy i danosčyki, supracoŭniki biełaruskich śpiecsłužbaŭ, jakija danosili na pratestoŭcaŭ. Jaŭhien Dudkin — jašče adzin čałaviek, jaki byŭ u hetym śpisie, ale nie byŭ vyjaŭleny «Kibierpartyzanami». Voś vyjaŭleny śpiecsłužbami ciapier. Zastajecca rytaryčnaje pytańnie, kolki jašče z supołki Dźmitruka dalej budzie vyjaŭlena ahientaŭ śpiecsłužbaŭ», — prakamientavaŭ «Našaj Nivie» śpikier frakcyi Biełaruskich chryścijanskich demakrataŭ u KR.
Razborki ŭ BCHD: pierasvaranyja partyjcy vyhaniajuć adno adnaho z arhanizacyi
Partyja, ad jakoj u KR išło najbolš ahientury, zajaviła pra niepryznańnie Cichanoŭskaj. A paśla asprečyła heta
Dvoje siabroŭ «Narodnaj hramady» pisali danosy ŭ KDB. Chto jany i jak tłumačać situacyju?
Piać «insajdaŭ» pra apazicyju, jakija možna daviedacca ź intervju na ANT danosčycy Ciškievič
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr5
Kamientary