«Žyvu ŭ turemnaj niavoli, a duša na volu prosicca». Palitviazień Uładzimir Hundar u kałonii piša biblejskija składniki
Ad asudžanaha na 20 hadoŭ kałonii ŭzmocnienaha režymu palitviaźnia na volu pačali dachodzić listy. Taksama ŭ svajakoŭ atrymałasia dasłać jamu zakaznym listom Bibliju, paviedamlajuć pravaabaroncy.
Viadoma, što ŭ źniavoleńni Uładzimir piša svaje składniki (biblejskija cytaty).
Žyvu ŭ turemnaj niavoli, a duša na volu prosicca.
I malusia ab miry ŭ sercy i spakoi.
Prašu ab ich u Hospada Isusa.
Mir — Božaje śviatoje słova,
ale pryjšła ŭ śviet vialikaja biada.
Čałaviek zabyŭ kaštoŭnaść słova «mir».
I amal nie zastałosia miru ŭ sercy čałavieka.
«Mir» u śviecie papularnaje słova.
Jaho papulisty śvietu devalvavali na svaju karyść.
Słova «mir» jany ekspłuatujuć biessaromna.
«Za mir», z hetymi słovami jany vojny raźviazvajuć.
U śviecie bieź miru ludzi miru pakutujuć.
I ŭ malitvach da Isusa jany prosiać, kab im mir u sercy daŭ.
Boh čuje ich malitvy dy prośby.
I daje mir u sercy ludziam tym,
čyje nie začarśćvieli sercy
i lubiać Isusa ŭsim sercam svaim.
Ja taksama dumaju i razvažaju ab miry
u svaim niespakojnym sercy.
Moža, maja luboŭ da Isusa —
mir majho serca niespakojnaha.
Chočacca viedać adkaz.
Ale chto mnie jaho skaža? Viadoma ž serca.
Malusia, kab Boh mianie vyzvaliŭ ad kłopataŭ, prablemaŭ i pakutaŭ.
Prašu mira ŭładarstva ŭ sercy praz Hospada Isusa.
***
Akramia hetaha, jon piša, što ŭ administracyi źjaviłasia čarhovaja nahoda, kab adpravić palitviaźnia ŭ ŠIZA — jon schavaŭ pad padušku mačałku, kab pryšyć matuzok, ale nie paśpieŭ, i jaje zabrali padčas čarhovaha vobšuku.
Padtrymajcie Uładzimira: PK № 2. 213800, Babrujsk, Sikorskaha, 1, 16 atrad, Uładzimir Tadevušavič Hundar
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha5
Kamientary