U Homieli prajšoŭ sud nad ramieśnicaj z Rečycy. Jaje adpuścili ŭ zale suda
Ramieśnicu Natallu Biełuju sudzili pavodle art. 361 KK Biełarusi za toje, što 8 žniŭnia 2022 hoda jana dasłała paviedamleńnie ŭ čat-bot telehram-kanała «Realnaja Biełaruś», piša «Homielskaja viasna».
![](http://nashaniva.com/img/w840d4webp1/photos/z_2023_08/belaya-trgt0.png.webp)
Žančynie prysudzili dva z pałovaj hady abmiežavańnia voli. Ale za košt času, praviedzienaha ŭ SIZA da suda, adbyvać pakarańnie Natalli zastałosia hod i try miesiacy.
Paviedamleńnie, jakoje dasłała žančyna ŭ bot, utrymlivała videafajł ź infarmacyjaj ekanamičnaha charaktaru ab novaŭviadzieńniach, jakija tyčacca tavaraŭ lohkaj pramysłovaści.
Natalla pryznała vinu častkova, nie stała admaŭlać, što sapraŭdy pierasyłała paviedamleńnie, ale nie była zhodnaja z tym, što mieła złačynny namier i chacieła ździejśnić učynak «destruktyŭnaha charaktaru z metaj sadziejničańnia ekstremisckaj dziejnaści».
Doma Natallu čakaje niepaŭnaletni syn. Siońnia jon narešcie pabačyć maci ŭpieršyniu za doŭhi čas.
Kamientary