У Гомелі прайшоў суд над рамесніцай з Рэчыцы. Яе адпусцілі ў зале суда
Рамесніцу Наталлю Белую судзілі паводле арт. 361 КК Беларусі за тое, што 8 жніўня 2022 года яна даслала паведамленне ў чат-бот тэлеграм-канала «Рэальная Беларусь», піша «Гомельская вясна».
![](http://nashaniva.com/img/w840d4webp1/photos/z_2023_08/belaya-trgt0.png.webp)
Жанчыне прысудзілі два з паловай гады абмежавання волі. Але за кошт часу, праведзенага ў СІЗА да суда, адбываць пакаранне Наталлі засталося год і тры месяцы.
Паведамленне, якое даслала жанчына ў бот, утрымлівала відэафайл з інфармацыяй эканамічнага характару аб новаўвядзеннях, якія тычацца тавараў лёгкай прамысловасці.
Наталля прызнала віну часткова, не стала адмаўляць, што сапраўды перасылала паведамленне, але не была згодная з тым, што мела злачынны намер і хацела здзейсніць учынак «дэструктыўнага характару з мэтай садзейнічання экстрэмісцкай дзейнасці».
Дома Наталлю чакае непаўналетні сын. Сёння ён нарэшце пабачыць маці ўпершыню за доўгі час.
Каментары