U Krymie aštrafavali troch dziaŭčat, jakija tancavali pad pieśniu Vierki Siardziučki
Da hetaha ŭ Z-kanale źjaviłasia videa ź ich vybačeńniami.
Sud aštrafavaŭ troch dziaŭčat-animataraŭ, jakija tancavali ŭ akvaparku Ałušty «pad tematyčnuju pieśniu ŭkrainskaha vykanaŭcy ź niedapuščalnym sensam», piša «Dožd́».
Na dziaŭčat skłali pratakoły ab dyskredytacyi rasijskaj armii. Sud pryznačyŭ im štrafy pamieram 15 tysiač rubloŭ (150 dalaraŭ).
8 žniŭnia videa z animatarami źjaviłasia ŭ telehram-kanale vajennaha błohiera Alaksandra Talipava. Miarkujučy pa roliku, dziaŭčaty tancavali pad pieśniu Vierki Siardziučki «Hulanačka», u jakoj jość słovy «Šče nie vmierła Ukrajina, kali my hulajem tak». Paźniej u kanale było apublikavana videa, dzie jany prosiać prabačeńnia i śpiavajuć pieśniu «Uładzimir Pucin — małajčyna».
Paśla pačatku poŭnamaštabnaha rasijskaha ŭvarvańnia va Ukrainu žycharoŭ anieksavanaha Kryma ŭžo nie raz prymušali prasić prabačeńnia za pieśniu «Hulanačka».
Kamientary