U Batumi znoŭ błakavali rasijski turystyčny łajnier, na jaho borcie byŭ i śpiavak ź Biełarusi
U Hruzii nie dazvalali syści na bierah u Batumi pasažyram rasijskaha turystyčnaha łajniera Astoria Grande. Takim čynam aktyvisty apazicyjnaj partyi vykazvali svoj pratest adnosna prybyćcia ŭ krainu rasijskich Z-turystaŭ i artystaŭ.
Upieršyniu łajnier z amal tysiačaj pasažyraŭ na borcie zajšoŭ u port Batumi 27 lipienia. Miascovyja žychary sustreli jaho ŭkrainskimi ściahami i antyvajennymi łozunhami, a zatym zabłakavali vychad na sušu i zakidali jajkami aŭtobus, jaki pavinien byŭ vieźci turystaŭ na ahlad słavutaściaŭ. U vyniku sudnu daviałosia pakinuć port raniej zapłanavanaha času, a niekalki ŭdzielnikaŭ akcyi byli zatrymanyja.
Charakterna, što pasažyraŭ łajniera zabaŭlali artysty telekanała «Ru-TV», mnohija ź jakich udzielničajuć u Z-patryjatyčnych kancertach u Rasii i adkryta padtrymlivajuć vajnu. U hetaj kampanii akazaŭsia i były ŭdzielnik Jeŭrabačańnia ad Biełarusi Dźmitryj Kałdun, jaki ŭžo nie ŭpieršyniu zaŭvažajecca na takich mierapryjemstvach.
Siońnia Kałdun, darečy, mocna stuknuŭsia hałavoj na borcie łajniera — lekaram daviałosia zašyvać jamu ranu.
Urešcie pasažyram kruiznaha ciepłachoda, niahledziačy na pratesty, udałosia syści na bierah i hetym razam. Palicyja zatrymała 23 pratestoŭcaŭ. Pratesty padtrymała prezidentka Hruzii Sałame Zurabišvili.
Arhanizatary rejsaŭ paabiacali, što bolš hety łajnier z rasijskimi turystami ŭ Batumi zachodzić nie budzie. Pra heta paviedamiła RIA «Novosti» sa spasyłkaj na ahienctva pa prodažy kruizaŭ.
Čytajcie taksama:
Były błohier z kamandy A4 pra hastroli pa Krymie: A ŭ čym prablema?
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
Dienieh choť dadut za pienije rtom?)