Va ŭnutranych vojskach majecca šyroki arsienał uzbrajeńniaŭ pad roznyja zadačy i pravodzicca jaho abnaŭleńnie z ulikam dośviedu poŭnamaštabnaha ŭvarvańnia Rasii va Ukrainu.
Ciapier viadziecca praca pa pastanoŭcy na ŭzbrajeńnie va ŭnutranyja vojski minamiotaŭ, procitankavych rakietnych kompleksaŭ, PZRK, paviedamiŭ žurnalistam namieśnik kamandujučaha ŭnutranymi vojskami MUS Siarhiej Hrabieńnikaŭ, piša «Sputnik».
Jon adznačyŭ, što va ŭnutranych vojskach jość šyroki arsienał uzbrajeńniaŭ pad roznyja zadačy, pravodzicca jaho abnaŭleńnie.
«Na siońnia my pravodzim pracu pa pastanoŭcy na ŭzbrajeńnie minamiotaŭ, procitankavych rakietnych kompleksaŭ i srodkaŭ supraćpavietranaj abarony», — skazaŭ Hrabieńnikaŭ.
Jon udakładniŭ, što ŭnutranyja vojski — heta vojski pastajannaj hatoŭnaści.
«My pastajanna hatovyja da vykanańnia roznych zadač, i čas prybyćcia ŭ rajon, u jakim zdaryłasia niejkaje nadzvyčajnaje zdareńnie abo terakt, abmiežavany. My tudy prybyvajem razam z orhanami ŭnutranych spraŭ pieršymi, a kab prybyć pieršymi, treba ŭmieć adbić napad, majučy roznaje ŭzbrajeńnie: ad pałki humavaj da minamiotnaj batarei abo bieśpiłotnikaŭ», ― padkreśliŭ namieśnik kamandujučaha.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary