Valer Kavaleŭski raskazaŭ, kolki ludziej užo chočuć atrymać alternatyŭny nacyjanalny pašpart
Pradstaŭnik pa zamiežnych spravach Abjadnanaha pierachodnaha kabinieta Biełarusi Valer Kavaleŭski raskazaŭ, jakija vyniki dało apytańnie adnosna novaha nacyjanalnaha pašparta Biełarusi, jakoje prachodziła na płatformie «Hołas». Pavodle jaho, vynik uražvaje, bo ŭžo jość zapyt na 57 000 pašpartoŭ.
«My ŭražanyja zapytam: za taki karotki termin udzielniki apytańnia vykazali namier atrymać bolš za 57 000 pašpartoŭ. Tysiačy ź ich paznačyli, što płanujuć źviartacca pa pašpart nie tolki dla siabie, ale i razam sa svaimi siamiejnikami», — adznačyŭ Kavaleŭski.
Pavodle jaho, takoje žadańnie vykazali biełarusy z roznych kutkoŭ śvietu, u tym liku z ZŠA, Kanady i inšych dziaržaŭ, ale
«asabliva natchniła, što bolš za tracinu ŭdzielnikaŭ apytańnia ciapier pražyvajuć u Biełarusi, choć my i akcentavali ŭvahu na tym, što ź mierkavańniaŭ biaśpieki prajekt pakul aryjentavany na biełarusaŭ zamiežža».
Samaj papularnaj pryčynaj patreby ŭ novym pašparcie apytanyja, pavodle Valera Kavaleŭskaha, nazvali niepryniaćcie režymu i jaho akupacyjnych simvałaŭ.
«Razam z tym, amal pałova ŭdzielnikaŭ apytańnia pražyvajuć u Jeŭrasajuzie. I pradkazalna, što inšymi, bolš prahmatyčnymi pryčynami, zhodna z apytańniem, stali zakančeńnie terminu dziejańnia pašparta i ciažkaści z abmienam dakumienta ŭ režymnych konsulstvach.
Apytańnie pakazała, što minimum 2 tysiačy čałaviek majuć patrebu ŭ adnaŭleńni pašparta ŭžo ciapier. Heta moža być «viarchuškaj ajśbierha», — adznačyŭ Valer Kavaleŭski.
Čytajcie taksama:
Biełaruska zamoviła novy pašpart u pasolstvie Biełarusi ŭ Hiermanii. Jaho zrabili, ale nie addali
Kavaleŭski raskazaŭ i pakazaŭ, što ź siabie budzie ŭjaŭlać biełaruski alternatyŭny pašpart
-
Čarha ŭ Polšču amal źnikła, ale ludzi ŭsio adno stajać pa 10 hadzin. Jak tak?
-
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
-
U Budsłavie vierniki razam z apostalskim nuncyjem pamalilisia za ŭrad Biełarusi
Kamientary