Ułada11

MZS Biełarusi vitaje zajavu ZŠA i Rasii pa harantyjach biaśpieki Biełarusi

u jakoj, u pryvatnaści, paćviardžajecca, što zafiksavanyja ŭ Budapiešckich miemarandumach harantyi biaśpieki zastanucca ŭ sile paśla 4 śniežnia 2009 hoda.

Ministerstva zamiežnych spraŭ Biełarusi 4 śniežnia pryniało zajavu ŭ suviazi z zaviaršeńniem terminu dziejańnia Dahavora ab skaračeńni i abmiežavańni stratehičnych nastupalnych uzbrajeńniaŭ (DSNU) ad 31 lipienia 1991 hoda.

Jak adznačajecca ŭ zajavie, DSNU zrabiŭ značny ŭkład u praces jadziernaha razzbrajeńnia, spryjaŭ pavyšeńniu ŭzroŭniu stratehičnaj biaśpieki i stabilnaści ŭ śviecie, umacavańniu davieru pamiž dziaržavami.

MZS adznačaje histaryčnaje značeńnie dla mižnarodnaha režymu jadziernaha nieraspaŭsiudžvańnia, jakoje mieła rašeńnie Biełarusi, Kazachstana i Ukrainy admovicca ad jadziernaj zbroi i dałučycca da DSNU praz padpisańnie Lisabonskaha pratakoła.

«Značna skaraciŭšy stratehičnyja nastupalnyja arsienały, Rasijskaja Fiederacyja i Złučanyja Štaty Amieryki prademanstravali hatoŭnaść ruchacca ŭ kirunku miru, svabodnaha ad jadziernaj zbroi. U hetym kantekście stanoŭča ŭsprymajem namahańni Rasijskaj Fiederacyi i ZŠA, skiravanyja na raspracoŭku i bolš chutkaje zaklučeńnie novaha jurydyčnaha dahavora ab mierach pa dalejšym skaračeńni stratehičnych nastupalnych uzbrajeńniaŭ», — havorycca ŭ zajavie MZS.

Biełaruskaje źniešniepalityčnaje viedamstva taksama vitaje sumiesnuju zajavu Rasii i ZŠA ŭ suviazi z zaviaršeńniem terminu dziejańnia DSNU, u jakoj, u pryvatnaści, paćviardžajecca, što zafiksavanyja ŭ Budapiešckich miemarandumach harantyi biaśpieki zastanucca ŭ sile paśla 4 śniežnia 2009 hoda.

«Uličvajučy unikalny vopyt, nazapašany padčas vykanańnia DSNU, vykazvajem nadzieju, što ŭsie dziaržavy — udzielniki Dahavora 1991 hoda buduć i nadalej praciahvać palityčnaje i ekśpiertnaje ŭzajemadziejańnie pa jadziernaj prablematycy», — adznačajecca ŭ zajavie MZS.

Kamientary1

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść

Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść

Usie naviny →
Usie naviny

Pradukcyju «Biełaruśkalija» pierajmienavali i pradajuć ES u abychod sankcyj3

IT-hrupa na 1000 čałaviek u Minsku, što pryvoziła Tyla Švajhiera, syšła ŭ prastoj i zakryła dostup u ofis8

U Litvie na miažy ź Biełaruśsiu paśla vučeńniaŭ źnikli čaćviora amierykanskich vajskoŭcaŭ4

Bjanka raspaviała, što źmienšyła hrudzi i zrabiła padciažku tvaru9

«Robiać darosły hołas, chłusiać pra mamu». Navošta minskim školnikam masava spatrebilisia ščaniuki?2

Jak Ukrainie ŭdałosia źniščyć čatyry viertaloty ŭ Biełharadskaj vobłaści4

«Mnie ŭžo kiepska». Biełarus pakazaŭ našeście klaščoŭ u rajonie1

Anarchistu Mikitu Jemialjanavu, asudžanamu na 6 hadoŭ kałonii, dadali jašče adzin hod

Parłamient Armienii ŭchvaliŭ zakonaprajekt ab pačatku pracesu dałučeńnia krainy da ES2

bolš čytanych navin
bolš łajkanych navin

Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść

Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść

Hałoŭnaje
Usie naviny →

Zaŭvaha:

 

 

 

 

Zakryć Paviedamić