Dola «Biełaruśkalija» na suśvietnym rynku ŭhnajeńniaŭ skaraciłasia ŭdvaja — Alejnik
Dola Biełarusi na suśvietnym rynku kaliju ŭpała z 20 da 9% u 2022 hodzie. Pra heta raskazaŭ kiraŭnik MZS Biełarusi Siarhiej Alejnik, vystupajučy na samicie BRIKS.
Ministr rastłumačyŭ, što handlu biełaruskimi ŭhnajeńniami na mižnarodnym rynku pieraškadžajuć zachodnija sankcyi. Mienavita z hetaj pryčyny, maŭlaŭ, ciapier sfarmavaŭsia deficyt kalijnych uhnajeńniaŭ na hłabalnym rynku i nazirajecca rost cenaŭ.
Na afrykanskim rynku kalijnych uhnajeńniaŭ dola Biełarusi skaraciłasia z 42 da 3%. I heta, maŭlaŭ, pryviało da źnižeńnia ŭradžaju zbožžavych na 16%.
Alejnik pry hetym dadaŭ, što Biełaruś praciahvaje farmavać novyja łahistyčnyja łancužki dla adnaŭleńnia adhruzak uhnajeńniaŭ. Dla hetaha vykarystoŭvajucca «niestandartnyja rašeńni i novyja instrumienty».
Raniej pra źmianšeńnie doli «Biełaruśkalija» na suśvietnym kalijnym rynku napałovu kazali kankurenty biełaruskaj kampanii.
U toj ža čas, jak adznačaje Office Life, u červieni ceny na kalijnyja ŭhnajeńni praciahvali padać, niahledziačy na značnaje skaračeńnie ekspartu z Rasii ŭ 2022 hodzie i sankcyi, jakija abciažarvajuć pastaŭki biełaruskaha chłorystaha kaliju.
Popyt na kalijnyja ŭhnajeńni ŭ cełym vielmi nizki. Kaciroŭka na bazisie CFR Tajłand/Vjetnam pry kancy traŭnia apuściłasia z 670 da 460 dalaraŭ za tonu na pačatku 2023 hoda. U Brazilii ž ceny za tonu chłorystaha kaliju pry kancy traŭnia ŭpali prykładna z 530 da 380 dalaraŭ.
Brazilija aktyŭna prasoŭvaje źniaćcie sankcyj ź biełaruskaha kaliju
ES pašyryŭ sankcyi suprać Biełarusi dla baraćby z abychodam abmiežavańniaŭ, jakija dziejničajuć suprać Rasii
Chto łabiruje źniaćcie sankcyj ź biełaruskaha kaliju
Biełarusy abvinavacili kanadcaŭ u kalijnym dempinhu ŭ Kitai
Biełaruś admoviłasia budavać svoj port u Rasii
Izrail zabiŭ kiraŭnika «Chiezbały» Chasana Nasrału3
Kamientary