U Kapienhahienie 7 śniežnia prajšła cyrymonija adkryćcia dvuchtydniovaj 15‑j kanfierencyi AAN pa źmianieńni klimatu. Jana stanie kulminacyjaj dvuchhadovych mižnarodnych pieramoŭ pa pryniaćci suśvietnaha dahavora pa skaračeńni emisii parnikovych hazaŭ.
Jak paviedamlaje RIA Novosti, napiaredadni vykanaŭčy sakratar Ramačnaj kanviencyi AAN ab źmianieńni klimatu Ivo de Bur vykazaŭ nadzieju, što praca kanfierencyi budzie efiektyŭnaj. «Nikoli jašče za apošnija 17 hadoŭ pieramoŭ pa klimacie tak šmat roznych krain nie davali tak šmat abiacańniaŭ adnačasova», — skazaŭ jon.
U 2012 hodzie kančajucca terminy dziejańnia abaviazacielstvaŭ pa stabilizacyi i skaračeńni vykidaŭ parnikovych hazaŭ, prapisanych u Kijockim pratakole. Miarkujecca, što ŭ Kapienhahienie budzie padpisany novy dakumient, jaki nabudzie moc u 2013 hodzie.
Na samicie ŭ kastryčniku lidery krain Jeŭrasajuza zaklikali ŭsie baki dziejnaha Kijockaha pratakoła ŭziać na siabie abaviazacielstvy pa źnižeńni pa mienšaj miery na 50% da 2050 hoda ad ŭzroŭniu 1990 hoda hłabalnaj emisii parnikovych hazaŭ, a raźvityja krainy — na 80—95%.
U adpaviednaści z Kijockim pahadnieńniem ES abaviazaŭsia źnizić da 2012 hoda emisiju parnikovych hazaŭ na 8% da ŭzroŭniu 1990 hoda.
Aprača hetaha abaviazacielstva ŭ ramkach Kijockaha pratakoła ES zajaviŭ ab namiery ŭ adnabakovym paradku źnizić abjom vykidaŭ, jakija zabrudžvajuć atmaśfieru, na 20% da 2020 hoda, a taksama pavysić da hetaha času na 20% dolu krynic adnaŭlanaj enierhii.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary