У Капенгагене 7 снежня прайшла цырымонія адкрыцця двухтыднёвай 15‑й канферэнцыі ААН па змяненні клімату. Яна стане кульмінацыяй двухгадовых міжнародных перамоў па прыняцці сусветнага дагавора па скарачэнні эмісіі парніковых газаў.
Як паведамляе РІА Новости, напярэдадні выканаўчы сакратар Рамачнай канвенцыі ААН аб змяненні клімату Іво дэ Бур выказаў надзею, што праца канферэнцыі будзе эфектыўнай. «Ніколі яшчэ за апошнія 17 гадоў перамоў па клімаце так шмат розных краін не давалі так шмат абяцанняў адначасова», — сказаў ён.
У 2012 годзе канчаюцца тэрміны дзеяння абавязацельстваў па стабілізацыі і скарачэнні выкідаў парніковых газаў, прапісаных у Кіёцкім пратаколе. Мяркуецца, што ў Капенгагене будзе падпісаны новы дакумент, які набудзе моц у 2013 годзе.
На саміце ў кастрычніку лідэры краін Еўрасаюза заклікалі ўсе бакі дзейнага Кіёцкага пратакола ўзяць на сябе абавязацельствы па зніжэнні па меншай меры на 50% да 2050 года ад ўзроўню 1990 года глабальнай эмісіі парніковых газаў, а развітыя краіны — на 80—95%.
У адпаведнасці з Кіёцкім пагадненнем ЕС абавязаўся знізіць да 2012 года эмісію парніковых газаў на 8% да ўзроўню 1990 года.
Апрача гэтага абавязацельства ў рамках Кіёцкага пратакола ЕС заявіў аб намеры ў аднабаковым парадку знізіць аб’ём выкідаў, якія забруджваюць атмасферу, на 20% да 2020 года, а таксама павысіць да гэтага часу на 20% долю крыніц аднаўлянай энергіі.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары