Partyju «Spraviadlivy śviet» likvidujuć 22 vieraśnia. Pałova partyj užo likvidavana
Sudovaje słuchańnie pa likvidacyi Biełaruskaj partyi levych «Spraviadlivy śviet» pa pazovie Ministerstva justycyi pryznačana na 22 vieraśnia.
«Pastanova ab admovie ŭ pierarehistracyi pryniataja 30 lipienia, — raspaviadaŭ NV-anłajn kiraŭnik partyi Siarhiej Kalakin. — U rehistracyi admoŭlena na viadomych padstavach: niedachop struktur, niama nieabchodnaj kolkaści siabroŭ partyi, jakaja patrabujecca pavodle novym zakanadaŭstvie. My majem namier abskardzić hetaje rašeńnie ŭ Viarchoŭnym sudzie — pa zakonie ŭ nas na heta jość miesiac».
Viarchoŭny sud likvidavaŭ vosiem partyj: apazicyjnyja Kansiervatyŭna-chryścijanskuju partyju — BNF, Partyju BNF, Biełaruskuju sacyjał-demakratyčnuju Hramadu, partyju «Zialonyja», Abjadnanuju hramadzianskuju partyju, a taksama praŭładnyja Biełaruskuju patryjatyčnuju partyju, Respublikanskuju partyju, Sacyjał-demakratyčnuju partyju Narodnaj Zhody.
4 vieraśnia budzie razhledžany pazoŭ ab likvidacyi praŭładnaj Biełaruskaj sacyjalna-spartyŭnaj partyi.
U Biełarusi na pačatku hoda było 15 partyj, zastałosia vosiem z ulikam navastvoranaj partyi «Biełaja Ruś», abo siem, kali ŭžo ličyć «Spraviadlivy śviet».
Byli pierarehistravanyja Kamunistyčnaja partyja Biełarusi, Libierał-demakratyčnaja partyja, Respublikanskaja partyja pracy i spraviadlivaści.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary