Leta 2023: topavyja miescy Biełarusi. Dzie najbolš adpačyvali biełarusy i hości krainy
U Biełarusi šmat miescaŭ, dzie možna pravieści vychadnyja abo adpačynak. Možna adpravicca vyvučać historyju krainy i jaje kulturu abo laniva zaharać na plažy. Na čym ža spynili svoj vybar turysty hetym letam? Błoh «Kufar nieruchomaść» vyvučyŭ, jakija miescy byli samymi papularnymi pa kolkaści broni na sutki damoŭ i katedžaŭ, jakija raźmiaščajucca na sajcie.
Biezumoŭnym lidaram stała Viciebskaja vobłaść — tut braniravali žyllo bolš za 2079 razoŭ z maja pa žnivień. A razhadka takoj papularnaści kryjecca ŭ tym, što mienavita na jaje terytoryi raźmiaščajecca vialikaja kolkaść azior z dobrymi plažami, pryhožaj pryrodaj i mahčymaściu parybačyć. U Brasłavie — kurortnym haradku, akružanym vadajomami, — spynialisia adpačyć 1141 raz.
Na druhim miescy pavodle papularnaści — Viciebsk sa 161 brońniu.
Na trecim miescy raźmiaściłasia Minskaja vobłaść, dzie braniravali žyllo 1818 razoŭ. Lubimy horad padarožnikaŭ Niaśviž (214 vypadkaŭ broni) abahnaŭ navat stalicu. Vidavočna, što Niaśvižski zamak, uniesieny ŭ śpis JUNIESKA, pryciahnuŭ naviedvalnikaŭ svajoj architekturaj, interjerami i cikavymi ekskursijnymi prahramami. Temu adpačynku la vadajomaŭ praciahnuŭ Miadzieł — tut braniravali žyllo z maja pa žnivień 46 razoŭ.
Bresckaja vobłaść z 969 vypadkami broni i Hrodzienskaja z 821 brońniu majuć ahulnuju tendencyju: bolš za ŭsio ludziej jedzie ŭ abłasnyja centry.
I Brest, i Hrodna viadomyja svaimi słavutaściami i vydatna padychodziać u jakaści maršrutaŭ vychadnoha dnia. U Bresckaj vobłaści možna adznačyć jašče i Baranavičy sa 128 vypadkami broni, dzie znachodzicca łandšaftny park «Dypryz» z roznymi vidami žyvioł i ptušak. A ŭ Hrodzienskaj — turysty nie pakinuli biez uvahi Lidu ź jaje zamkam: tam spynialisia 105 razoŭ.
Mahiloŭskuju i Homielskuju vobłaści ŭ hetym siezonie naviedvali mienš — u ich 403 i 221 broń adpaviedna.
Samyja papularnyja miesiacy — lipień i žnivień. Na pieršy prypadaje pałova ŭsich braniravańniaŭ — 3203. Apošni miesiac leta nie mocna źmienšyŭ abaroty — u žniŭni domiki i katedžy braniravali 2247 razoŭ.
Jakuju nieruchomaść pradajuć na Brasłaŭskich aziorach
«Jak tolki jany pačynajuć svarycca, husi ŭžo stajać la vieśničak, čakajuć». Žančyna ŭ Miorskim rajonie praciahvaje tradycyi prodkaŭ i viesialić haściej historyjami z daŭniny
Napłyŭ turystaŭ — kvatery ŭ centry Hrodna zdajuć i pa 100 dalaraŭ za sutki. «Z takimi cenami kvateru možna adbić za niekalki hadoŭ»
Kamientary