Лета 2023: топавыя месцы Беларусі. Дзе найбольш адпачывалі беларусы і госці краіны
У Беларусі шмат месцаў, дзе можна правесці выхадныя або адпачынак. Можна адправіцца вывучаць гісторыю краіны і яе культуру або ляніва загараць на пляжы. На чым жа спынілі свой выбар турысты гэтым летам? Блог «Куфар нерухомасць» вывучыў, якія месцы былі самымі папулярнымі па колькасці броні на суткі дамоў і катэджаў, якія размяшчаюцца на сайце.
Безумоўным лідарам стала Віцебская вобласць — тут браніравалі жыллё больш за 2079 разоў з мая па жнівень. А разгадка такой папулярнасці крыецца ў тым, што менавіта на яе тэрыторыі размяшчаецца вялікая колькасць азёр з добрымі пляжамі, прыгожай прыродай і магчымасцю парыбачыць. У Браславе — курортным гарадку, акружаным вадаёмамі, — спыняліся адпачыць 1141 раз.
На другім месцы паводле папулярнасці — Віцебск са 161 бронню.
На трэцім месцы размясцілася Мінская вобласць, дзе браніравалі жыллё 1818 разоў. Любімы горад падарожнікаў Нясвіж (214 выпадкаў броні) абагнаў нават сталіцу. Відавочна, што Нясвіжскі замак, унесены ў спіс ЮНЕСКА, прыцягнуў наведвальнікаў сваёй архітэктурай, інтэр'ерамі і цікавымі экскурсійнымі праграмамі. Тэму адпачынку ля вадаёмаў працягнуў Мядзел — тут браніравалі жыллё з мая па жнівень 46 разоў.
Брэсцкая вобласць з 969 выпадкамі броні і Гродзенская з 821 бронню маюць агульную тэндэнцыю: больш за ўсё людзей едзе ў абласныя цэнтры.
І Брэст, і Гродна вядомыя сваімі славутасцямі і выдатна падыходзяць у якасці маршрутаў выхаднога дня. У Брэсцкай вобласці можна адзначыць яшчэ і Баранавічы са 128 выпадкамі броні, дзе знаходзіцца ландшафтны парк «Дыпрыз» з рознымі відамі жывёл і птушак. А ў Гродзенскай — турысты не пакінулі без увагі Ліду з яе замкам: там спыняліся 105 разоў.
Магілёўскую і Гомельскую вобласці ў гэтым сезоне наведвалі менш — у іх 403 і 221 бронь адпаведна.
Самыя папулярныя месяцы — ліпень і жнівень. На першы прыпадае палова ўсіх браніраванняў — 3203. Апошні месяц лета не моцна зменшыў абароты — у жніўні домікі і катэджы браніравалі 2247 разоў.
Якую нерухомасць прадаюць на Браслаўскіх азёрах
«Як толькі яны пачынаюць сварыцца, гусі ўжо стаяць ля веснічак, чакаюць». Жанчына ў Мёрскім раёне працягвае традыцыі продкаў і весяліць гасцей гісторыямі з даўніны
Наплыў турыстаў — кватэры ў цэнтры Гродна здаюць і па 100 даляраў за суткі. «З такімі цэнамі кватэру можна адбіць за некалькі гадоў»
Каментары