«Možna sp***ić?» Skandał vakoł novaha prajekta Miełkaziorava
Dzień tamu jutub-błohier Mikita Miełkazioraŭ zapuściŭ prajekt «Kajli Mindoŭh», dzie choča raskazvać pra biełaruskuju historyju. Na jaho pasypalisia kamplimienty za aryhinalnuju nazvu. A potym vyśvietliłasia, što nie ŭsio tak prosta.
Reč u tym, što Miełkazioraŭ — nie pieršy, chto prydumaŭ kałambur «Kajli Mindoŭh». Hetuju hulniu słoŭ jon pačuŭ ad biełaruskaj dyzajnierki Karaliny Palakovaj — jaje tvitar z takoj nazvaj ciapier maje 635 padpisčykaŭ.
Sam Mikita ŭ anonsie novaha prajekta adznačyŭ, što «historyja z nazvaj cikavaja», i paabiacaŭ raskazać jaje jak-niebudź paźniej. A voś Karalina była bolš šmatsłoŭnaj i vykłała ŭ storys skryn pierapiski ź Miełkazioravym, ź jakim jana siabruje, dzie trojčy admaŭlaje jamu ŭ dazvole vykarystać spałučeńnie «Kajli Mindoŭh» dla jutub-prajekta.
Tym nie mienš Mikitu heta nie spyniła. Za cikavuju nazvu kanała Miełkazioraŭ atrymaŭ šmat kamplimientaŭ.
Palakova napisała tvit, dzie spytała ŭ padpisčykaŭ, jak by jany adreahavali na situacyju na jaje miescy. Adkazy byli takija:
Paźniej Karalina raspaviała ŭ sacsietkach bolš pra hetuju historyju. Pavodle jaje, jany ź Miełkazioravym abmierkavali situacyju: Mikita patłumačyŭ jaje tym, što nie pačuŭ pra admovu ŭ jaje słovach pra nazvu.
«Časam ja maru, jak pišu rep, a taksama časam špacyruju ź Mikitam i pierapisvajusia. Ja prydumała panč dla svajho repa, jaki b mieŭ sabie imia Kajli Mindoŭh. Padzialiłasia ź Mikitam, jakoha trymała za siabra. Jon zapytaŭ: «Možna sp***ić?»
Ja kažu: «Nie, heta moj tvorčy psieŭdanim, tolki za vialikija hrošy». U dzień karanacyi Mindoŭha ja tak nazvała svoj akaŭnt u tvitary — Kajli Mindoŭh. Mnie Mikita piša: «A my ŭžo dla prahramy robim styl z takoj nazvaj». Ja kažu: «Ej, nie, ty što, nie!»
Na treci raz hety błohier pakazaŭ mnie hetuju zastaŭku šou, i ja prosta ŭspychnuła: «Nie!»
Jak bačna, hety mužčyna «Nie!» nie čuje, i jon možna kraści kreatyvy i chavać takija fakty, i pisać «historyja nejminhu cikavaja», a ŭ tvar mnie kazać: «Tak-tak, ja skraŭ, tak, budzie skandał na ŭvieś tvitar, ale heta moj najlepšy kradziež».
Ja vykaciła ŭmovu, pa jakoj ja pahadžajusia addać hety nejminh, i atrymała ŭ razy mienš i jašče razmovu ŭ styli «A ja niejak nie čuŭ, što ty kazała «nie». Z majho boku davier da čałavieka ŭpaŭ».
Sam Mikita pryznaŭ u efiry «Zvyčajnaj ranicy», što nazva «Kajli Mindoŭh» — całkam ideja Karaliny Palakovaj. A taksama prakamientavaŭ hetuju historyju ŭ šou i ŭ svaim instahramie:
«Mnie i kamandzie zusim nie chaciełasia raspačynać čarhovy kanflikt. Miarkuju, nam jany nie treba siońnia zusim. Ja pryznaju svaju pamyłku i vinu ŭ tym, što vykarystaŭ nazvu tvitara Karaliny Palakovaj dla novaha kanała. Prašu prabačeńnia ŭ Karaliny i ludziej, jakich hety kiejs abraziŭ.
Mierkavańni nakont seksizmu — tut zusim nie. Ja i kamanda «Maliny» pavažajem i žančyn, i mužčyn. Kreatyŭ Karaliny cudoŭny, ja ŭ jaho ŭlubiŭsia, ale svoječasova nie adreahavaŭ na zaŭvahi i nie maju prava jaho vykarystoŭvać nadalej. Nazvu kanała my źmienim».
Miełkazioraŭ prosić prapanoŭvać novyja varyjanty nazvy dla kanała ŭ kamientarach pad pieršym vypuskam ci ŭ jaho instahramie. Sama Karalina tym časam pierajmienavała svoj tvitar, jaho novaja nazva — «Žyćcio Malina».
«Naša Niva» — bastyjon biełaruščyny
PADTRYMAĆMikita Miełkazioraŭ zapuściŭ novy prajekt — «Kajli Mindoŭh»
Mikita Miełkazioraŭ nabiŭ sabie tatu z Karatkievičam i kacianiatami FOTAFAKT
Kamientary