Ułady Lvova nie dazvolili biełarusam pravieści akcyju ŭ centry horada ŭ hadavinu bitvy pad Oršaj
Biełarusy praviaduć akcyju na Łyčakaŭskich mohiłkach.
Siońnia biełarusy adznačajuć 509-ju hadavinu bitvy pad Oršaj i Dzień biełaruskaj vajskovaj słavy, adnak haradskija ŭłady Lvova nie dazvolili pravieści akcyju, paviedamiŭ kiraŭnik «Volnaj Biełarusi» Alaksiej Franckievič na pres-kanfierencyi ŭ lvoŭskim pres-kłubie, piša Dailylviv.com.
«Biełaruskaja hramada Lvova z nahody 509-j hadaviny pieramohi abjadnanych sił biełarusaŭ, litoŭcaŭ i ŭkraincaŭ nad maskoŭskaj armijaj pad Oršaj płanavała pravieści ŭ centry Lvova akcyju — ušanavańnie hetaj histaryčnaj padziei.
Ale, na žal, Lvoŭskaja haradskaja rada nam nie dała dazvołu na praviadzieńnie hetaha mierapryjemstva», — zajaviŭ Franckievič.
Jon taksama paviedamiŭ, što biełarusy nie admovilisia ad svaich namieraŭ.
«My vyrašyli pravieści akcyju siońnia, 8 vieraśnia, a 15:00 na Łyčakaŭskich mohiłkach, dzie pachavanyja hieroi, jakija vajavali ŭ pałku imia Kastusia Kalinoŭskaha. My siońnia ŭskładziom kvietki na mahiły sučasnych hierojaŭ, ušanujem ich pamiać, a taksama nahadajem ukraincam i biełarusam, što ŭ nas jość ahulny histaryčny dośvied pieramahać rasijski impieryjalizm», — skazaŭ A. Franckievič.
Kamientary