Łatvija zavajavała 5-je miesca na čempijanacie śvietu pa baskietbole
U matčy za 5-je miesca jana siońnia razhramiła Litvu ź likam 98:63 (28:20, 21:18, 28:9, 21:16).
Zbornaja Łatvii brała ŭpieršyniu ŭdzieł u čempijanacie śvietu pa baskietbole, i adrazu taki pośpiech. U čempijanacie śvietu brali ŭdzieł 32 kamandy.
Pryčym, u adroźnieńnie ad litoŭcaŭ, supierniki ŭ padapiečnych italjanskaha treniera Łuki Banki byli bolš surjoznyja.
Na pieršym etapie jany abyhrali na apošnich chvilinach Francyju, u nastupnym etapie taksama na apošnich chvilinach pierajhrali čempijonaŭ śvietu zbornuju Ispanii, zatym z roźnicaj u 20 ačkoŭ razhramili Braziliju.
U čverćfinale Łatvija prajhrała z roźnicaj u dva ački Niamieččynie, nie zdoleŭšy za čatyry siekundy da kanca sustrečy zakinuć pieramožny trochačkovy. U suciašalnym turniry pieramahli Italiju.
Zaŭtra ŭ matčy za 3-je miesca sustrenucca ZŠA i Kanada, a finał razyhrajuć jeŭrapiejskija zbornyja Niamieččyny i Sierbii.
Niamieččyna, darečy, u paŭfinale pieramahła kamandu ZŠA.
Zbornaja Litvy maje kudy bolšy dośvied udziełu ŭ čempijanatach śvietu. Najlepšym dasiahnieńniem litoŭcaŭ źjaŭlajecca 3-je miesca na ČS u 2010-m hodzie i 4-je ŭ 2014-m hodzie.
Zbornyja Biełarusi i Rasii vyklučanyja ź mižnarodnych spabornictvaŭ praz vajnu va Ukrainie.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary