Paśla ŭdałych atak na Krym Rasija pieraviała try vialikija desantnyja karabli z Čornaha mora ŭ Azoŭskaje — VMS Ukrainy
Pres-sakratar Vajskova-marskich sił Ukrainy Dźmitryj Pleciančuk u efiry telemarafonu raskazaŭ pra nastupstvy rakietnaj ataki na akupavany Sievastopal.
«Pracesy, jakija tyčacca vyzvaleńnia našaj terytoryi, buduć praciahvacca i ŭ dalejšym. Darečy, pakazalny toj fakt, što siońnia rasijskija akupanty čamuści pieradysłakavali try vialikija desantnyja karabli z Čornaha mora ŭ Azoŭskaje», — cytuje słovy Plecienčuka «Ukrainskaja praŭda».
Jon taksama adznačyŭ, što źniščany ŭ Sievastopali vialiki desantny karabiel nie padlahaje adnaŭleńniu praz asablivaści paražeńnia i praź jaho «dastatkova šanoŭny ŭzrost».
Vajskoviec padkreśliŭ, što rasijanie ŭpieršyniu stracili padvodnuju łodku ŭ vyniku bajavych dziejańniaŭ.
Nahadajem, što ŭ noč na 13 vieraśnia ŭ vyniku rakietnaha ŭdaru zachodnimi rakietami pa sudnaramontnym zavodzie ŭ akupavanym Sievastopali było paškodžana dva sudny: vialiki desantny karabiel «Minsk» i padvodnaja łodka «Rastoŭ-na-Donie».
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary