«U Biełarusi abyšłosia b daražej». Błohierka adśviatkavała viasielle na Paŭnočnym Kipry i raspaviała, kolki heta kaštuje
Papularnaja biełaruskaja błohierka (a ŭ minułym seks-koŭč) Alena Miełavackaja adśviatkavała viasielle na Paŭnočnym Kipry. Jana raspaviała padpisčykam pra toje, kolki kaštuje arhanizavać śviata za miažoj.
Maładyja zaprasili na viasielle tryccać siabroŭ. Najbolš składanym, jak piša niaviesta ŭ instahramie, było znajści ŭ čužoj krainie ruskamoŭnych padradčykaŭ, tamu arhanizatarku i viadučaha pryjšłosia vieźci z saboj.
Praca fatohrafa i videohrafa abyšłasia ŭ 100 jeŭra za hadzinu kožnamu (pracavać im pryjšłosia kala vaśmi hadzin). Za vyjaznuju rehistracyju para addała 750 jeŭra. Tranśfier dla zaprošanych haściej kaštavaŭ 220 jeŭra za 4 hadziny. Śviata ŭ restaranie na 36 čałaviek — prykładna 4600 jeŭra.
Bukiet niaviesty kaštavaŭ pryblizna 400 rubloŭ. Taksama błohierka nie mahła abyścisia ŭ taki važny dzień biez dapamohi SMM-śpiecyjalistki, jakaja apieratyŭna publikavała ŭ storys videa viasiella. Za jaje pracu zapłacili 350 jeŭra.
Pa padlikach Aleny Miełavackaj, usiaho na viasielle jany z mužam patracili kala 8 tysiač jeŭra (heta biez uliku koštu ŭboraŭ žanicha i niaviesty). Jana zastałasia zadavolenaj i napisała: «Kali ščyra, ja dumała, što budzie bolš. U Biełarusi viasielle b abyšłosia mnie 100% daražej».
Cikava, što na papularnym viasielnym konkursie hrošy na «chłopčyka-dziaŭčynku» źbirali nie tolki afłajn, ale i anłajn: lubaja padpisčyca Aleny mahła pieravieści niekatoruju sumu za toj ci inšy varyjant (SMM-śpiecyjalistka rehularna publikavała spasyłki na apłatu ŭ storys). Vyniki hrašovaha hałasavańnia ŭ anłajnie atrymalisia takija: 4750 rubloŭ pieraličyli na dziaŭčynku i 2190 rubloŭ — na chłopčyka.
Alena Miełavackaja maje 120 tysiač padpisčykaŭ u instahramie. Raniej jana pazicyjanavała siabie jak seks-koŭč, a ciapier navučaje inšych ekśpiertaŭ.
Alena skončyła Baranavicki dziaržaŭny ŭniviersitet i atrymała adukacyju nastaŭnicy anhlijskaj i niamieckaj moŭ. Pavodle jaje słoŭ, da taho, jak stać paśpiachovaj błohierkaj, jana paśpieła pabyć «ofisnym płanktonam», kansultantkaj spartyŭnaha charčavańnia ŭ trenažornaj zale, viadučaj na radyjo, aktrysaj u haradskim Domie kultury, MS u načnym kłubie, kapirajtarkaj, pradavačkaj na rynku, a taksama hatavała kiebaby.
U svoj čas jana sprabavała ŭładkavacca na «stabilnuju dziaržaŭnuju pracu z dobrym sacyjalnym pakietam», ale paśla vyprabavalnaha terminu dziaŭčynie skazali, što im nie patrebnaja supracoŭnica z davoli pravakacyjnym instahramam.
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie2
Kamientary
Tierritorija Sieviernoho Kipra była zachvačiena turkami s vysielenijem vładielciev hriečieskoho proischoždienija iz ich domov i izhnanijem s ich ziemiel.
Chotia dla takoj provincialnoj pachabnoj błohierši eto biezraźlično - na Kiprie žie, morie, palmy.