«Ćviorda trymaŭsia naš koŭč na daprosie». Biełaruski trenier naadrez admoviŭsia adkazvać na pytańni paśla matča
Usia reč u dziŭnych rašeńniach sudździ, jaki złamaŭ hulniu.
Hałoŭny trenier «Urała», biełaruski futbolny śpiecyjalist Viktar Hančarenka nie staŭ adkazvać na pytańni na paślamatčavym intervju pa vynikach hulni z «Rastovam» (2:2) u 10-m tury rasijskaj premjer-lihi, što adbyŭsia ŭčora.
Padčas fłeš-intervju adrazu paśla hulni Viktar Hančarenka źjaviŭsia ŭ kadry, nie staŭšy parušać rehłamient, vysłuchaŭ try pytańni, ale ni na adno nie adkazaŭ.
Zatym jon praihnaravaŭ pytańni i na paślamatčavaj pres-kanfierencyi.
Učora «Urał» vioŭ u haściach u liku 2:0, ale sprečnyja rašeńni refiery pryviali da vyniku 2:2.
U rasijskich spartyŭnych ŚMI maŭčańnie Hančarenki i sudziejstva Halimava — hałoŭnaja tema viečara i nočy.
«Urał» paśla 10 hulniaŭ idzie na siomym radku ŭ turnirnaj tablicy, u kłuba 15 bałaŭ i adstavańnie ad treciaha miesca składaje dva bały. Adnak usie supierniki zhulajuć siońnia i zaŭtra.
Viktar Hančarenka treniravaŭ barysaŭski BATE ź listapada 2007 hoda da kastryčnika 2013 hoda. Pry im kłub šeść razoŭ zapar vyjhraŭ čempijanat Biełarusi, a ŭ žniŭni 2008 hoda ŭpieršyniu vyjšaŭ u hrupavy raŭnd Lihi čempijonaŭ, a zatym pastajanna hulaŭ u hrupavych raŭndach Lihi čempijonaŭ i Lihi Jeŭropy.
Piać apošnich hadoŭ biełaruskija kłuby ni razu nie prabilisia ŭ hrupavy turnir jeŭrakubkaŭ.
Mienavita pad kiraŭnictvam Hančarenki 11 hadoŭ tamu, 2 kastryčnika 2012 hoda, BATE ŭ Minsku siensacyjna pieramoh «Bavaryju» 3:1, jakaja potym u tym siezonie i vyjhrała Lihu čempijonaŭ.
Zatym trenier źjechaŭ u Rasiju. Jon treniravaŭ «Kubań», «Urał», CSKA, «Krasnadar». U žniŭni minułaha hoda Hančarenka znoŭ uznačaliŭ «Urał», ź jakim u minułym siezonie finišavaŭ 11-m.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary