Łukašenka pavinšavaŭ niamiecki narod, ale prajšoŭsia pa kiraŭnictvie krainy
Alaksandr Łukašenka pavinšavaŭ narod Niamieččyny z Dniom adzinstva. Jon adznačyŭ, što abjadnańnie Niamieččyny ŭ 1990 hodzie stała mahčyma dziakujučy atmaśfiery davieru i kanstruktyŭnaha supracoŭnictva pamiž krainami kantynienta.
«Pierachod ad supraćstajańnia da dyjałohu zapatrabavaŭ tady ad usich bakoŭ pryniaćcia advažnych, stratehičnych rašeńniaŭ. Na žal, ciapier Jeŭrapiejski Sajuz pravodzić niesamastojnuju palityku kanfrantacyi ŭ dačynieńni da šerahu suvierennych dziaržaŭ. Adzinym instrumientam Brusiela źjaŭlajucca adnabakovyja miery ekanamičnaha i palityčnaha cisku, jakija prama supiarečać mižnarodnamu pravu», — zajaviŭ Łukašenka.
Jon padkreśliŭ, što padtrymka aficyjnym Bierlinam takoha kursu «nanosić škodu i absalutna nie adpaviadaje nadziejam dvuch narodaŭ, vyklikaje ŭ Biełarusi hłybokaje rasčaravańnie i abhruntavanaje nieprymańnie, asabliva z ulikam žudasnych padziej i šmatlikich achviar na biełaruskaj ziamli padčas Druhoj suśvietnaj vajny».
Taksama jon zajaviŭ, «Biełaruś, jak i raniej, hatova raźvivać supracoŭnictva z FRH na asnovie pryncypaŭ raŭnapraŭja i ŭzajemnaj pavahi. Heta budzie taksama sadziejničać umacavańniu rehijanalnaj biaśpieki i stabilnaści».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary