U Rasii zavočna abvinavacili Kiryłu Budanava va ŭdarach pa Maskvie i rehijonach. Naličyli bolš za 100 vypadkaŭ
Śledčy kamitet Rasii zavočna abvinavaciŭ načalnika Hałoŭnaha ŭpraŭleńnia raźviedki Minabarony Ukrainy Kiryłu Budanava i jašče niekalki ŭkrainskich vajskoŭcaŭ u terarystyčnych aktach, jakimi ŭ Maskvie ličać udary pa terytoryi Rasii, u tym liku pa Maskvie, piša Bi-bi-si.
Ataki dronaŭ na Maskvu pačaścilisia letam, dvojčy bieśpiłotniki dalatali da «Maskva-Sici», a ŭ mai dva drony ŭzarvalisia nad Kramlom.
Zavočna abvinavačvańni pavodle č. 2 art. 205 KK RF (terakt) vystaŭlenyja Budanavu, kamandujučamu pavietranymi siłami USU Mikałaju Aleščuku, kamandujučamu VMS Alaksieju Nieižpapie, a taksama kamandziru 383-ha asobnaha pałka dystancyjna kiravanych latalnych aparataŭ Siarhieju Burdzieniuku.
Ukraina aficyjna nie brała na siabie adkaznaść za ataki na terytoryi Rasii, ale Budanaŭ nie admaŭlaŭ dačynieńnie da vybuchu na Kierčanskim moście, jaki viadzie ŭ anieksavany ŭ 2014 hodzie Krym.
SKR abvinavačvaje Budanava i inšych pieraličanych vajskoŭcaŭ u dačynieńni da «arhanizacyi i ździajśnieńnia z krasavika 2022 hoda pa vierasień 2023 hoda bolš za 100 udaraŭ z pavietra z užyvańniem bieśpiłotnych latalnych aparataŭ samalotnaha typu pa terytoryjach Maskvy i Maskoŭskaj vobłaści, Respubliki Krym i horada Sievastopala, Rastoŭskaj, Biełharodskaj, Branskaj abłaściej i šerahu inšych rehijonaŭ RF».
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary