Ź Litvy praciahvajuć prychodzić novyja paviedamleńni ab anulavańni dazvołaŭ na žycharstva biełaruskim hramadzianam. Jak i letam, pad pahrozaj tyja, chto słužyŭ pa kantrakcie ŭ biełaruskaj armii ci byŭ źviazany z vajenpramam abo siłavymi strukturami. U toj ža čas da ich apošnim časam dadalisia śpiecyjalisty, jakija pracavali ŭ atamnaj halinie, daviedaŭsia Devby.io.
Voś što raskazaŭ vydańniu supracoŭnik litoŭskaha ofisa bujnoj aŭtsors-kampanii, u jakoj pracuje šmat biełarusaŭ.
«U nas u kampanii dvuch čałaviek zvolnili i pazbavili DNŽ z zabaronaj ujezdu ŭ Litvu na piać hadoŭ. Adzin pracavaŭ u struktury «Rasatama» dzieści ŭ Rasii, druhi, ź jakim ja znajomy asabista, pracavaŭ, jak i ja, na BiełAES. Da mianie chvala nie dakaciłasia, ale, mahčyma, heta tolki pytańnie času.
Znajomy zapaŭniaŭ ankietu letam, a ŭ kancy vieraśnia ź mihracyjnaj słužby jamu pryjšoŭ je-mejł z paviedamleńniem ab tym, što DNŽ anulujuć i zabaraniajuć ujezd u Litvu na 5 hadoŭ. Maŭlaŭ, raz jon pracavaŭ na BiełAES, to jaho praviarali śpiecsłužby RB, a tyja nie prapuskajuć niełajalnych. I značyć, jon moža być patencyjna zavierbavany, to-bok ujaŭlaje niebiaśpieku intaresam Litvy.
Na toje, kab asprečyć rašeńnie, znajomamu dali dva tydni. Heta, na moj pohlad, samy žorstki niuans u historyjach z anulavańniem: vielmi mała času na toje, kab saryjentavacca…
…U ramkach našaj kampanii možna było rełakavacca ŭ Sierbiju. Znajomamu taki varyjant prapanoŭvali, ale tam by jamu daviałosia doŭha čakać intervju z zakazčykam, biez harantyj, tamu jon admoviŭsia. Kaleha viarnuŭsia ŭ Minsk (bałazie pramoj pahrozy dla jaho nie było), ciapier šukaje pracu tam. Pieršy kaleha, rasijanin, paśla anulavańnia DNŽ, zdajecca, pajechaŭ dadomu ŭ RF.
Ja taksama kaliści pracavaŭ na BiełAES — jak fizik-inžynier. Padaŭ hetyja danyja jašče viasnoj, kali zapaŭniaŭ ankietu. Ad historyi kalehi-biełarusa maja adroźnivajecca tym, što sa stancyi ja zvolniŭsia jašče da 2020 hoda i z momantu pierajezdu, užo amal dva hady, nie jezdžu ŭ RB (niebiaśpiečna). Mahčyma, śpiecsłužby Litvy ŭziali pad uvahu niešta z hetaha. Ale ŭpeŭnienaści ŭ tym, što majho DNŽ nie zabiaruć, u mianie niama».
«Pačali praces zakupki materyjałaŭ dla druku». Cichanoŭskaja raskazała, jak idzie praca nad novym biełaruskim pašpartam
Polšča spyniła vydaču humanitarnych viz, adnosna jakich chadajničaŭ Biełaruski dom u Varšavie
Kamitet siejma Litvy pa biaśpiecy vykazaŭsia suprać pavieličeńnia dla biełarusaŭ terminu dziejańnia humanitarnych DNŽ
Ciapier čytajuć
«Była hałodnaj, uzimku akazałasia bieź ciopłych rečaŭ». Susiedki raskazvajuć pra pamierłuju eks-palitźniavolenuju Hannu Kandracienka2
Kamientary