U MPZ nazvali marki mašyn, na jakija mohuć vyraści staŭki transpartnaha padatku
U krainie mohuć pavialičyć staŭki transpartnaha padatku na asobnyja marki mašyn, jak ličyć MNS, «pavyšanaj kamfortnaści». Navacyi mohuć zakranuć aŭtamabili, z daty vypusku jakich nie prajšło troch hadoŭ.
Dla ich staŭku padatku prapanujecca pavialičyć u 10 razoŭ, piša BIEŁTA.
Načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Biełarusi Andrej Kavaleŭski raskazaŭ ab markach aŭtamabilaŭ pavyšanaj kamfortnaści, na jakija, mahčyma, pavialičać staŭki transpartnaha padatku.
Pavodle jaho, heta moža zakranuć amal 2 tysiačy mašyn.
«Pieralik budzie vyznačacca ŭradam, tudy ŭvojduć premijalnyja marki. Možna śmieła nazvać «Fierary», «Mazeraci», «Majbach», asobnyja madeli marak «Mersedes», «BMV», «Aŭdzi». Treba pamiatać, što ŭ niekatorych brendaŭ jość i zvyčajnyja liniejki transpartnych srodkaŭ, jakija buduć abkładacca zvyčajnaj staŭkaj», — skazaŭ Andrej Kavaleŭski.
Televizijščyki pakazali žachlivuju jaŭku na ŭčastku, dzie hałasavaŭ Łukašenka29
Kamientary