U Dublinie, stalicy Irłandyi, pačalisia biesparadki, vyklikanyja tym, što ŭ centry horada mužčyna z nažom napaŭ na minakoŭ, u tym liku dziaciej. Pavodle infarmacyi Bi-bi-si, napad adbyŭsia učora kala 13:40 pa miascovym časie blizu adnoj sa škoł. U vyniku napadu paciarpieli piać čałaviek, u tym liku troje dziaciej. Dva čałavieki — piacihadovaja dziaŭčynka i 30-hadovaja žančyna — atrymali surjoznyja ranieńni.
U palicyi nie ličać, što toje, što adbyłosia, było teraktam, matyŭ złačynstva nieviadomy. Napadnika zatrymali minaki. Jon taksama paciarpieŭ, jamu akazvajecca miedycynskaja dapamoha.
Bližej da viečara ŭ Dublinie pačalisia biesparadki, jakija mieli vynikam sutyknieńni demanstrantaŭ z palicyjaj. Pratestoŭcy kidali ŭ supracoŭnikaŭ pravaachoŭnych orhanaŭ butelki, zapuskali fiejervierki i kidali fajery. Akramia taho, u siecivie raspaŭsiudžvajucca kadry padpalenych palicejskaha aŭtamabila, dvuchpaviarchovaha aŭtobusa i ciahnika, paviedamlajecca i pra vypadki maradziorstva.
Śćviardžajecca, što pratestoŭcy skandavali antymihranckija łozunhi, pakolki cyrkuluje infarmacyja, što napadnik — uradženiec Ałžyra. U toj ža čas u palicyi admovilisia kamientavać infarmacyju ab nacyjanalnaści złačynca, a ŭdzielnikaŭ biesparadkaŭ nazvali «hrupaj varjataŭ-chulihanaŭ, jakija kirujucca vielmi pravaj ideałohijaj».
Što zapisana aficyjnaj pryčynaj śmierci adzinaha syna Jarmošynaj?8
Kamientary
Ale kali byŭ pryviedzieny prykład ZŠA, nijaki nie sakret, što isnuje źjava overrepresentation afraamierykancaŭ u kryminalnych statystykach. Vidać fakty taksama "rasisckija". Tym nie mienš jak bačna arhumientaŭ u temie mihrantaŭ i Jeŭropy nie znajšłosia.