«Adzinoki voŭk». Trahiedyja ŭ Kapylskim rajonie — mužčyna padpaliŭ siabie
40-hadovy mužčyna skončyŭ žyćcio samahubstvam. «Apošnim časam chadziŭ zasmučanym», — raskazvaje znajomy.
Pra trahičnuju śmierć žychara Kapylskaha rajona «Našaj Nivie» stała viadoma ad niekalkich čałaviek.
22 listapada Siarhiej Ušolik abliŭ siabie bienzinam i padpaliŭ. Pavodle adnaho z žycharoŭ, mužčyna byŭ vypiŭšy, a pryčynaju samahubstva nibyta stali siamiejnyja prablemy.
U aficyjnych zvodkach nadzvyčajnych situacyjaŭ taki vypadak nie zhadvajecca.
Adzin z žycharoŭ Kapylskaha rajona pra śmierć Siarhieja daviedaŭsia ad siabroŭ. Jany źbirali hrošy na jaho pachavańnie, ale padrabiaznaściaŭ nie kazali. Pachavali Siarhieja 23 listapada.
Mužčyna mieŭ niepaŭnaletniuju dačku, jakuju, raskazvajuć, duža lubiŭ.
«Siarhiej byŭ tavaryskim chłopcam. Lubiŭ kampanii, ale byŭ, jak mnie padajecca, usio ž ranimym čałaviekam, chacia pakazvaŭ siabie, što jon taki brutalny mužčyna. Vypivaŭ, jak i ŭsie ŭ nas. Što adbyłosia ŭ jaho siamji, nie viedaju. Sam jon apošnim časam chadziŭ zasmučanym. Pahavorvali, što ad jaho syšła žonka», — raskazaŭ pra niabožčyka jaho znajomy.
Jon ličyć, što Siarhiej nie chacieŭ siabie zabivać. Ci byŭ chtości ź Siarhiejem, kali toj siabie padpalvaŭ, surazmoŭca nie kursie.
Sacyjalnyja sietki Siarhieja poŭniacca fotazdymkami z dačkoj. Fota z žonkaj padpisanyja «ja ź lubimaj». Apošnija vystaŭlenyja svaje zdymki Siarhiej padpisaŭ słovami «adzinoki voŭk» i «ŭsio budzie dobra». 21 listapada mužčyna naviedvaŭ sietki apošni raz.
«Naša Niva» — bastyjon biełaruščyny
PADTRYMAĆHladzicie taksama:
Siamiejnaja drama ŭ Rečycy: piensijanier pasvaryŭsia z žonkaj i spaliŭ ahulnaje aŭto
U Tałačynskim rajonie mužčyna padpaliŭ siabie
U Rečycy chłopiec padpaliŭ siabie dziela efiektnaha videa
Dzieci dziela žartu padpalili ŭ padjeździe anučy. U 11-hadovaj dziaŭčynki — 70% apiokaŭ cieła
Što zapisana aficyjnaj pryčynaj śmierci adzinaha syna Jarmošynaj?6
Kamientary