Na aŭkcyjon vystavili eskizy ałtarnych rośpisaŭ Čyrvonaha kaścioła ŭ Minsku
Havorka idzie pra niekalki eskizaŭ mastaka Juzafa Teafiła Smalinskaha, jakija trapili na aŭkcyjon z pryvatnaj bierlinskaj kalekcyi. Vyjavy možna złučyć u adzinuju kampazicyju.
«Pa centry ŭ niabiosach namalavany Chrystos, pad im — vyjava Čyrvonaha kaścioła. Chłopčyk ź dziedam — heta Siamion Vajniłovič i jahony zastupnik Śviaty Symon. Nasuprać uklenčanaja dziaŭčyna heta Alena Vajniłovič. Šmatlikija partrety žančyny ŭ masiŭnaj karonie — heta pošuk vobrazu Śviatoj Aleny, maci impieratara Kanstancina, jakaja adšukała Trunu Božuju i Žyvatvorny Kryž, jaki trymaje ŭ rukach. (…)
U davažak jość malunak Załatoj Horki. (…) Pracy nahadvajuć, čamu Čyrvony kaścioł — pomnik nie tolki niearamanskaha stylu, ale i madernu», — piša kanał «Spadčyna».
Niekatoryja malunki možna nabyć za sumu ad 1400 da 2000 jeŭra. Jak skazana ŭ apisańni, na eskizach bačny zabrudžvańni i prakoły, ale ahułam jany dobra zachavalisia.
Vylecieła ŭ nieviadomym kirunku śpikierka KR Anžalika Mielnikava30
Kamientary