Va ŭzroście ŭsiaho 28 hadoŭ pamior biełaruski stendap-komik Dźmitryj Zubovič. Infarmacyja pra jaho śmierć źjaviłasia na jahonych staronkach u sacsietkach.
Pryčyny śmierci nie nazyvajucca, ale jana nie była raptoŭnaj, bo na staronkach u sacsietkach źjaviŭsia raźvitalny post ad imia samoha Zuboviča.
«Heta ja davieryŭ telefon siastry, kab napisała moj apošni post. Tak užo vyjšła, što mianie bolš niama.
Ja šmat dumaŭ, ci pravilna ja ŭsio rablu, časta razvažaŭ pra heta ŭ pastach, a ciapier dumaju, moža i nie treba było.
2 śniežnia mianie nie stała.
Nie budziem doŭha raźvitvacca, skažu tolki, što ja syšoŭ u lubimym mnoju horadzie, ja paśpieŭ pavandravać, abzavieścisia vialikim kołam siabroŭ i znajomych, i zapomnicca ŭsio pa-roznamu…
Ja pakinuŭ vam svaje žarty ŭ tyktoku i jutubie, astatnija maje frazy zastanucca ŭ vašaj pamiaci», — napisana ŭ hetym paście.
Dźmitryj Zubovič — adzin z zasnavalnikaŭ kamiedyjnaha prajekta COMEDY DOGS i rezident pieršaha ŭ Biełarusi stendap-kłuba.
U Minsku zatrymali partnioraŭ Maziepina pa «Urałkalii», adnych z samych bahatych biełarusaŭ Rasii10
Kamientary