Hramadstva99

Chto taki «Šlachcic» Rusłan Asadułajeŭ, jakim Cierciel pałochaje biełarusaŭ?

Śpiecsłužby ličać, što baranavicki biznesmien rychtujecca da teraktaŭ i zachopu abjektaŭ na biełaruskaj terytoryi.

Staršynia KDB Ivan Cierciel nazvaŭ imia samaha niebiaśpiečnaha biełarusa — pa słovach śpiecsłužbista, «charuhva na čale z Rusłanam Asadułajevym rychtujecca da teraktaŭ i zachopu abjektaŭ na biełaruskaj terytoryi».

Rusłan Asadułajeŭ. Fota: Intex-Press

Chto taki Rusłan Asadułajeŭ?

Chłopiec naradziŭsia 30 krasavika 1991 hoda ŭ miastečku Hresk Słuckaha rajona. Vučyŭsia ŭ Vajskovaj akademii ŭ Minsku (2007-2013), paśla pajšoŭ u biznes. Byŭ dyrektaram sietki hramadskaha charčavańnia «Mahnit», kaviarni «Sport-kafe».

Rusłan Asadułajeŭ. Fota: nashkraj.by

U 2017 hodzie stvaryŭ biznes-inkubatar u Baranavičach. Pamiaškańni ŭ budynku byłoha ŭniviersiteta jon staŭ zdavać drobnym pradprymalnikam. «Vyvučyŭšy metazhodnaść prajekta, vopyt inšych haradoŭ, ja vyrašyŭ uziacca za realizacyju, — raskazvaŭ Asadułajeŭ miascovym ŚMI. — Viadoma, peŭnaja ryzyka była, bo harantavać pośpiech nie moh nichto. Zatoje była i padtrymka ŭ asobie haradskoj ułady».

Praź niekalki hadoŭ Asadułajeŭ zrabiŭ ramont u inšym budynku i aformiŭ tam pamiaškańnie ŭ nacyjalnaj stylistycy. Na ścienach novaha biznes-inkubatara byli partrety Vasila Bykava, Elizy Ažeški i inšych hierojaŭ biełaruskaj historyi.

Biznes-inkubatar Asadułajeva. Fota: Intex-Press

Heta i stała pryčynaj prablem. Na Asadułajeva navalilisia pravierki, ad jaho zapatrabavali paviesić partret Alaksandra Łukašenki i čyrvona-zialony ściah. Kali admoviŭsia, zaviali kryminalnuju spravu za pieravyšeńnie ŭłady. U mai 2022 hoda jon pravioŭ troje sutak za kratami i źjechaŭ u Polšču.

Ciapier Asadułajeŭ u vyšuku za toje «pieravyšeńnie ŭłady», a taksama za «sadziejničańnie ekstremisckaj dziejnaści». 

Miarkujučy pa akaŭntach u sacyjalnych sietkach, Rusłan cikavicca historyjaj i futbołam. U baranavickim amatarskim kłubie «Uschod» jon dahetul paznačany jak dyrektar. 

Kamientary9

  • hoblen
    13.12.2023
    Živoj primier, čto NIET śviazi mieždu familijej s proischoždienijem i LIČNOSŤJU, jejo intieriesami i ubieždienijami. Uvy, nacionalno ozabočiennym biełohłazym bakłanam etoho nie poniať 🤣🤣🤣 sobstvienno, potomu i 30 let skoro
  • Josik
    13.12.2023
    Cierciel nie saromicca krainy-susiedki nazyvać vorahami Biełarusi. Nie biełaruś achoŭvajuć, a łukašenku. Jakaja moža być u hramadstvie pavaha da tych, chto padobny na cerbiera, a nie achoŭnika zakona. Nie absikajsia, Vaniečka.
  • Pišycie pravilna
    13.12.2023
    Chto taki «Šlachcic» Rusłan Asadułajeŭ, jakim Cierciel pałochaje ŁUKAŠYSTAŬ?

«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA

«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA

Usie naviny →
Usie naviny

U navahodniuju noč u Novaj Baravoj byŭ pažar — praź niaŭdała zapuščany salut2

Źmienšyłasia kolkaść ukraincaŭ, jakija hatovyja tryvać vajnu stolki, kolki spatrebicca1

U Prydniastroŭi spynienyja pramysłovyja pradpryjemstvy paśla adklučeńnia rasijskaha hazu15

Siamja z Bresta paŭtara hoda kidała ŭ słoik manietki. Jak dumajecie, kolki atrymałasia nazapasić?6

Dyrektar zavoda «BiełDžy» raskazaŭ, kolki aŭto jany pradajuć u Rasiju

Na ahitacyjnym płakacie Hajdukievič znoŭ pakazaŭ niešta nieprystojnaje29

U Minsku lehkavik urezaŭsia ŭ «Partyzanski rajon»1

Va ŭzroście 103 hadoŭ pamierła Ahnieš Kieleci — spartoŭka, što pieražyła Chałakost i była samaj pažyłoj z alimpijskich miedalistak1

Minimalny zarobak u Polščy vyras da 1040 jeŭra20

bolš čytanych navin
bolš łajkanych navin

«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA

«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA

Hałoŭnaje
Usie naviny →