U Minsku z 1 studzienia 2010 h. pryparkavacca na kamunalnaj parkoŭcy možna budzie biaspłatna. Pra heta paviedamiŭ dyrektar HU «Parkoŭki stalicy» Leanid Daraščonak.
Surazmoŭca rastłumačyŭ, što z nastupnaha hoda ŭ stalicy admienieny miascovy zbor z karystalnikaŭ za parkoŭku transpartnych srodkaŭ u śpiecyjalna adviedzienych miescach.
Naprykład, za pakinuty na čas svoj aŭtamabil na kamunalnaj parkoŭcy kala CUMa pa vulicy Hikała z novaha hoda płatu spahaniać ŭžo nie buduć, a raniej parkoŭka była płatnaj. «Takoje rašeńnie pryniata na niadaŭniaj siesii Minharsavieta u vykanańnie biudžetu Biełarusi na 2010 hod. Heta inicyjatyva kiraŭnictva krainy i Ministerstva finansaŭ i nakiravanaja jana na źnižeńnie padatkovaj nahruzki», — rastłumačyŭ Leanid Daraščonak.
Vyklučeńnie składuć viedamasnyja stajanki, na jakich spahaniajecca nie zbor, a płata za zachoŭvańnie mašyny.
Naprykład, na TC «Ždanovičy» ci inšych bujnych handlovych abjektach.
Zaraz u Minsku dziejničajuć 26 kamunalnych parkovak.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary