«Navat moj pałavy orhan vyjhraje vybary». Hajdukievič raspavioŭ pra asablivaści biełaruskaj vybarčaj sistemy
U Minsku ŭčora prajšoŭ źjezd ŁDPB, dzie hetaja praŭładnaja partyja vyłučyła kandydataŭ na parłamienckija vybary. Vystupajučy pierad adnadumcami, ich skandalny lidar Aleh Hajdukievič raskryŭ sutnaść ciapierašniaj vybarčaj biełaruskaj sistemy.
Hajdukievič papiaredziŭ, što padčas tak zvanych vybaraŭ budzie šmat kampramatu, što na jaho ŭžo vyliłasia šmat brudu.
«Navat pałavyja orhany maje abmiarkoŭvali. Ale ja im adkazaŭ, navat moj pałavy orhan vyjhraje ŭ vas vybary, navat jon, na lubych vybarach», — zajaviŭ Hajdukievič.
U vieraśni ŭ telehram-kanale kiraŭnika Libieralna-demakratyčnaj partyi było apublikavanaje fota erehavanaha čelesa. Hajdukievič zajaviŭ, što jaho akaŭnt uzłamali. Nijakaj adkaznaści za raspaŭsiud parnahrafii jon nie panios.
U krainie z 2020 hoda praciahvajucca bieśpierapynnyja represii suprać inšadumcaŭ. Da vybaraŭ nichto ź biełarusaŭ z apazicyjnymi pohladami nie maje šancaŭ być dapuščanymi. Niezaležnych naziralnikaŭ taksama nie zarehistrujuć.
Pry takim administracyjnym resursie sapraŭdy navat čeles Hajdukieviča maje šaniec prajści ŭ parłamient.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary