«Нават мой палавы орган выйграе выбары». Гайдукевіч распавёў пра асаблівасці беларускай выбарчай сістэмы
У Мінску ўчора прайшоў з’езд ЛДПБ, дзе гэтая праўладная партыя вылучыла кандыдатаў на парламенцкія выбары. Выступаючы перад аднадумцамі, іх скандальны лідар Алег Гайдукевіч раскрыў сутнасць цяперашняй выбарчай беларускай сістэмы.
Гайдукевіч папярэдзіў, што падчас так званых выбараў будзе шмат кампрамату, што на яго ўжо вылілася шмат бруду.
«Нават палавыя органы мае абмяркоўвалі. Але я ім адказаў, нават мой палавы орган выйграе ў вас выбары, нават ён, на любых выбарах», — заявіў Гайдукевіч.
У верасні ў тэлеграм-канале кіраўніка Ліберальна-дэмакратычнай партыі было апублікаванае фота эрэгаванага чэлеса. Гайдукевіч заявіў, што яго акаўнт узламалі. Ніякай адказнасці за распаўсюд парнаграфіі ён не панёс.
У краіне з 2020 года працягваюцца бесперапынныя рэпрэсіі супраць іншадумцаў. Да выбараў ніхто з беларусаў з апазіцыйнымі поглядамі не мае шанцаў быць дапушчанымі. Незалежных назіральнікаў таксама не зарэгіструюць.
Пры такім адміністрацыйным рэсурсе сапраўды нават чэлес Гайдукевіча мае шанец прайсці ў парламент.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь8
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары