Chto taki Andrej Alaksandraŭ — prapahandyst ANT, jaki stažyravaŭsia ŭ «Žoŭtych źlivach» i jeździć na zatrymańni
Raspaviadajem, jak jon uzyjšoŭ na alimp i kali paśpieŭ atrymać administratyŭku pa 23.34.
Viaskovy chłopiec z Koziełaŭ
Andreju Alaksandravu 33 hady. Naradziŭsia ŭ vioscy Mańkavičy Stolinskaha rajona ŭ siamji Koziełaŭ — proźvišča jon źmienić užo paśla skančeńnia ŭniviersiteta. Niekali tut byŭ pałac Radziviłaŭ, a ŭ 1885-m Maryja Radzivił zakłała piejzažny park. Heta adna z najbolšych viosak Bresckaj vobłaści, žycharoŭ tut bolej za dźvie tysiačy.
Baćki ŭ Andreja prostyja — maci rabočaja na małočnym zavodzie, baćka — kiroŭca tam ža. Žonki ŭ prapahandysta niama.
Chłopiec u 18 hadoŭ paśpieŭ papracavać na Bresckim elektramiechaničnym zavodzie. Paśla pastupiŭ na žurfak BDU, adkul vypuściŭsia ŭ 2015-m.
Adzin z adnakurśnikaŭ zhadvaje, što Alaksandraŭ (Kozieł na toj momant) byŭ vychavanym chłopcam. Nie vykazvaŭ svajho staŭleńni ni da apazicyi, ni da ŭłady.
«Cichi chłopiec, u kampanii šmat žartavaŭ. Zusim nie kryvavy prapahandyst», — zhadvajuć jaho ŭ studenctvie.
«Ale i metanakiravanaść u jaho była davoli vidavočnaja: jon žadaŭ pracavać na TB, praktyku tam prachodziŭ i, zdajecca, mahčymaść mieć miesca ŭładkavańnia pry režymie macniejšaja za ŭłasnuju hodnaść. Tamu dla mianie było dziŭna nazirać hetu transfarmacyju, bo Andrej nie byŭ durniem ci złaŭmysnym».
U bazach «Kibierpartyzanaŭ» jaho miescam pracy ŭ 2013-m paznačanaje sielskahaspadarčaje pradpryjemstva «Hniaździłava Ahra» — imavierna, heta była karotkaja padpracoŭka na leta.
Adno z zachapleńniaŭ Alaksandrava-Kozieła — jahony bajk. Prapahandyst zajmieŭ sabie siaredniebiudžetnuju madel, a mienavita Honda VTX 1800. Jahony košt ciapier ad šaści da dziesiaci tysiač dalaraŭ. Naviedvaje jon i bajkierskija źloty, ź jakich robić repartažy na ANT.
Da pracy na ANT, miarkujučy pa instahramie Alaksandrava, padklučyŭsia i jahony małodšy 25-hadovy brat Jaŭhien. Jon, mierkavana, pracuje apierataram.
ANT i zorny čas
Kozieł pryjšoŭ na ANT nie paźniej za śniežań 2015-ha. Jon pracavaŭ u navinach, byŭ asnoŭnym hołasam ahučki i ŭ kadry amal nie źjaŭlaŭsia. Pisaŭ pra ŭsio zapar, ale pa palityčnych temach nie pracavaŭ zusim.
Z 2016-ha jon aficyjna źmianiaje proźvišča na Alaksandraŭ. Čamu mienavita hetaje proźvišča — nieviadoma. U siabrach u sacsietkach prapahandysta jość ludzi z takim proźviščam, ale siarod blizkich svajakoŭ takich niama.
U 2020-m karespandent, pa słovach byłych kaleh, niejki čas «stažyravaŭsia» ŭ praŭładnym telehram-kanale «Žoŭtyja ślivy».
Paśla Kozieł pracavaŭ na žanočych maršach, pad prykryćciom siłavikoŭ, dzie źjedliva dakopvaŭsia da ludziej. Paśla ŭ efiry ANT pačaŭ «vykryvać» prychilnikaŭ źmienaŭ u krainie. Uvohule, adčuvalnaja častka repartažaŭ prapahandysta z taho času maje palityčnuju afarboŭku, a niejtralnych usio mieniej.
U 2020-m u Alaksandrava adbyŭsia kurjoz: jon zajmieŭ administratyŭku pa artykule 23.34 («udzieł u niesankcyjanavanym masavym mierapryjemstvie»). Jaho zatrymali 16 kastryčnika 2020-ha i dastavili ŭ Saviecki RUUS Minska. U RUUS Alaksandraŭ skazaŭ, što jon biespracoŭny žychar Minska.
Praŭda, chodu spravie nie dali — vidać, razabralisia, što jon anijaki nie biespracoŭny.
U studzieni 2021-ha za addanuju pracu na prapahandu Alaksandraŭ atrymaŭ z ruk Łukašenki «prezidenckuju padziaku».
Što jon robić ciapier
Alaksandraŭ rychtavaŭ repartažy pra mihracyjny kryzis. Jon ulez u natoŭp mihrantaŭ, jakija atakavali polskich pamiežnikaŭ u listapadzie 2021-ha. Praz heta jaho razam z apierataram nakryła chvalaj piarcovaha hazu.
Ciapier Alaksandraŭ pužaje biełarusaŭ ZŠA i NATA, raspaviadaje pra žachi žyćcia va Ukrainie. I razam ź siłavikami jeździć na palityčnyja zatrymańni.
Naprykład, razam z SACHRam jon jeździŭ zatrymlivać abvinavačanych u atacy na bazu AMAP (u vieraśni 2021 hoda inicyjatyva «Busły laciać» atakavała jaje z drona).
Akramia siužetaŭ, Alaksandravu davieryli vieści pieradaču «Budzie dapoŭniena» (zvyčajna tam za viadučaha Ihar Tur).
Svajoj lubimaj knihaj jon nazyvaje «Fiermu» Orueła.
U adnym z intervju prapahandyst radavaŭsia: paśla 2020-ha nichto ź siabroŭ jaho nie asudziŭ.
«Nie było ŭ maim asiarodździ takoha čałavieka, jaki b ad mianie adviarnuŭsia i pačaŭ vydavać u moj adras niejkija hadaści».
«Naša Niva» — bastyjon biełaruščyny
PADTRYMAĆ«Łukašenku lublu ŭsim svaim sercam». Chto takaja Vitalina Pietrusievič, jakaja stała tvaram prapahandysckich filmaŭ mahiloŭskaha telebačańnia
Prapahandystka Chudalej, jakaja pracavała na žanočych maršach, zvolniłasia z STB i šukaje pracu ŭ IT
Ad Zanzibara da Kyrhyzstana. Dzie adpačyvajuć praŭładnyja śpiavački i prapahandysty
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary