Dypłamatyčny skandał pamiž Biełaruśsiu i Šviecyjaj: u Minsk adklikali pasła Mirončyka
Dla kansultacyj u Stakholm taksama adklikali šviedskaha časovaha pavieranaha ŭ Biełarusi.
Paśla pryznačeńnia šviedskaj pradstaŭnicy pry biełaruskaj demakratyčnaj supolnaści za miažoj ambasadarki Krystyny Juhanesan pamiž aficyjnym Minskam i Stakholmam uźnik dypłamatyčny skandał, piša Radyjo Svaboda.
Jak paviedamili Svabodzie ŭ pres-słužbie MZS Šviecyi, «ciapier u Stakholmie dla kansultacyj znachodzicca časovy pavierany ŭ spravach Šviecyi ŭ Minsku. Praca ŭ ambasadzie Šviecyi ŭ Minsku praciahvajecca ŭ zvyčajnym režymie. Ciapier u Minsku dla kansultacyj znachodzicca pasoł Biełarusi ŭ Stakholmie».
Pasłom Biełarusi ŭ Šviecyi akredytavany Dźmitryj Mirončyk.
Z 5 vieraśnia 2022 hoda Jeva Sundkvist vykonvaje abaviazki časovaha pavieranaha ŭ spravach Šviecyi, kiraŭnika misii ŭ Minsku.
6 listapada ŭ Vilni ministr zamiežnych spraŭ Šviecyi Tubijas Bilstrem abviaściŭ ab pryznačeńni Krystyny Juhanesan, jakaja raniej pracavała ambasadarkaj Šviecyi ŭ Minsku, dypłamatyčnaj pradstaŭnicaj pry biełaruskaj demakratyčnaj supolnaści za miažoj.
Aprača taho, Tubijas Bilstrem 6 listapada ŭ intervju Svabodzie zajaviŭ, adkazvajučy na pytańnie, ci pryznaje jon Śviatłanu Cichanoŭskuju abranym prezidentam:
«My pryznajom jaje čałaviekam, jaki pieramoh na vybarach i jaki pa pravu pavinien byŭ stać inaŭhuravanym prezidentam Biełarusi».
Pavodle infarmacyi Svabody, heta vyklikała niezadavalnieńnie va ŭładaŭ Biełarusi, jakija adklikali svajho ambasadara sa Stakholma i zapatrabavali, kab u stalicu Šviecyi dla kansultacyj pajechaŭ kiraŭnik dypłamatyčnaj misii hetaj krainy ŭ Minsku.
U zamiežnapalityčnym viedamstvie Šviecyi Svabodzie taksama paviedamili, što paśla novaha pryznačeńnia Krystyny Juhanesan MZS Šviecyi pravioŭ pieramovy ź biełaruskimi pradstaŭnikami.
«U nas niama kankretnych reakcyj, kab padzialicca», — paviedamili ŭ pres-słužbie Ministerstva zamiežnych spraŭ Šviecyi.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary
- raby-mankurty kotoryje ližut sapohi orkam i nienavidiat vsie biełorusskoje- eto nie dipłomaty, a čto to ot hnojnoho tabora / orčatni. Poetomu obidki priedatielej - mankurtov, eto iz opiery, kak naprimier, otklučiť jutub, čtob Tichanovskuju narod nie posmotrieł v NH.