Ranicaj karaleva Danii Marhrete II zrakłasia prastoła na karyść svajho starejšaha syna.
Karaleva niečakana abjaviła pra svajo adračeńnie, vystupajučy z navahodnim telezvarotam da nacyi 31 śniežnia 2023 hoda. Jana nie patłumačyła pryčyny, čamu jana vyrašyła pakinuć pasadu, ale zajaviła, što surjoznaja apieracyja na śpinie, jakuju jana pieraniesła ŭ lutym minułaha hoda, prymusiła jaje zadumacca pra svaju budučyniu.
Paśla 52 hadoŭ vaładarańnia Marhrete II padpisała adračeńnie ŭ časie pasiedžańnia Dziaržaŭnaj rady ŭ parłamiencie.
Paźniej premjer-ministarka Miete Frederyksien abviaściła novaha karala na bałkonie parłamienta słovami «Niachaj žyvie karol Frederyk Ch». U Kapienhahienie za padziejaj sačyli natoŭpy ludziej.
U Danii nie praduhledžana karanacyja. 55-hadovy Frederyk X u svajoj pieršaj pramovie padzialiŭsia svaimi pamknieńniami:
«Ja spadziajusia stać karalom zaŭtrašniaha dnia, jaki abjadnoŭvaje ludziej. Heta zadača, da jakoj ja padychodziŭ usio svajo žyćcio. Heta zadača, jakuju ja vykonvaju z honaram, hodnaściu i radaściu».
Paśla pramovy paźniej da karala na bałkonie dałučylisia jaho žonka i dzieci.
Karaleŭskaja para zaniała dacki tron u momant vialikaj hramadskaj padtrymki manarchii. Apošniaje apytańnie, praviedzienaje paśla taho, jak Marhrete abviaściła pra svajo adračeńnie, pakazała, što 82% datčan čakajuć, što Frederyk «dobra ci vielmi dobra» spravicca z novaj rolaj. 86% skazali toje ž samaje pra jahonuju žonku Mery.
«Naša Niva» — bastyjon biełaruščyny
PADTRYMAĆ
Kamientary
Ludovik VII Małady
Frederyk Ch Były Tvitar