Na pažary ŭ Mścisłaŭskim rajonie zahinuli mužčyna i čatyrochhadovy chłopčyk
Z pačatku hoda ahoń užo zabraŭ žyćci bolš za 50 čałaviek.
Uviečary 16 studzienia ŭ vioscy Karobčyna zhareŭ dom. U vyniku pažaru zahinuli čatyrochhadovy chłopčyk i jaho 34-hadovy ajčym, paviedamlaje SK.
Viečaram maci pajšła na pracu, u domie zastavaŭsia sužyciel z dvuma dziećmi: 4-hadovym chłopčykam i 10-hadovaj dziaŭčynkaj.
Mužčyna kala miesiaca nie pracavaŭ, hladzieŭ chłopčyka, bo toj nie chadziŭ u dziciačy sadok.
Kali zdaryŭsia pažar, usie spali. Dziaŭčynka pračnułasia i pasprabavała vyciahnuć brata z doma, ale joj heta nie ŭdałosia. Jana kinułasia da susiedziaŭ pa dapamohu, adnak jany ŭ dom zajści nie zmahli i vyklikali ratavalnikaŭ.
Ciapier dziaŭčynka znachodzicca ŭ balnicy: jaje stan aceńvajecca jak vielmi ciažki.
Susiedzi charaktaryzujuć siamju adnosna dobra, ale mužčyna kuryŭ i vypivaŭ. Napiaredadni zdareńnia jon užyvaŭ śpirtnoje.
Śledčyja nie vyklučajuć, što da pažaru mahło pryvieści i nieaściarožnaje abychodžańnie z ahniom pry kureńni.
Vylecieła ŭ nieviadomym kirunku śpikierka KR Anžalika Mielnikava30
Kamientary