U Kitai vypuścili anałah ChatGPT, jaki čyścić čat pry kožnym niajomkim pytańni pra palityku. Pratestavali jaho
Novy kitajski čat-bot DeepSeek, jak i luby inšy štučny intelekt (ŠI), pa zakonach Kitaja pavinien «adlustroŭvać kaštoŭnaści sacyjalizmu i nie padryvać dziaržaŭnuju ŭładu». Pravieryli, jak heta vyhladaje na praktycy, i damahlisia adkazaŭ na niekatoryja vostryja pytańni. U tym liku i pra Biełaruś.
Ilustracyjnaja vyjava. Fota: Getty Images
U kancy minułaha hoda Kitaj pradstaviŭ novuju niejrasietku DeepSeek, jakaja źjaŭlajecca anałaham suśvietna viadomaha ChatGPT i taksama navučanaja vieści paŭnavartasny dyjałoh z karystalnikami.
Kitajski čat-bot na hety momant znachodzicca na stadyi alfa-testavańnia, adnak, jak piša partał VentureBeat, jon užo adpaviadaje i navat pieraŭzychodzić čat-bot LIama 2 ad karparacyi Meta pa takich pakazčykach, jak kadavańnie i matematyčnyja vyličeńni.
Ale hałoŭnaj prablemaj DeepSeek źjaŭlajecca cenzura i nieprymalnaść navat niaznačnaj krytyki ci maleńkich namiokaŭ na jaje ŭ adras kamunistyčnaha ładu Kitaja i jaho kiraŭnictva.
«Naša Niva» pahutaryła z DeepSeek i pasprabavała damahčysia adkazaŭ na niekatoryja niajomkija dla kitajskich uładaŭ pytańni. Voś jak heta było.
«Usie ludzi znachodziacca pad uładaj Kampartyi Kitaja»
Pačaŭsia dyjałoh z vyśviatleńnia mahčymaści čat-bota pisać na biełaruskaj movie, na što toj adkazaŭ śćviardžalna i pierajšoŭ na biełaruskuju.
Adnak na nastupnaje pytańnie pra apazicyju ŭ Kitai DeepSeek adkazaŭ pa-kitajsku i paśla ačyściŭ sieans pierapiski (paznaka context cleared).
U novym sieansie my paprasili niejrasietku pierakłaści papiaredniaje paviedamleńnie, na što atrymali admovu «z-za niemahčymaści čat-bota razumieć i pierakładać ludskija movy» (biełaruski pravapis u DeepSeek nie zaŭsiody zrazumieły i pravilny).
A sam adkaz na kitajskaj pra isnavańnie apazicyi hučaŭ tak.
«U Kitai my prytrymlivajemsia asnoŭnych sacyjalistyčnych kaštoŭnaściej i aktyŭna budujem harmaničnaje hramadstva. Kitajski ŭrad zaŭsiody imknuŭsia abaraniać asnoŭnyja pravy, intaresy i svabody naroda, zabiaśpiečvajučy pry hetym stabilnaść i roskvit krainy. My vierym, što pad kiraŭnictvam partyi (Kamunistyčnaja partyja Kitaja — «NN») kitajski narod praciahnie razam ruchacca napierad pa šlachu sacyjalizmu i dabjecca vialikaha adradžeńnia kitajskaj nacyi».
Paśla hetaha my spytalisia ŭ niejrasietki, adkul uziałasia viersija pra łabaratornaje pachodžańnie virusa Covid-19, na što znoŭ atrymali adkaz na kitajskaj. Sieans taksama byŭ ačyščany.
Ale hetym razam my skapijavali adkaz DeepSeek i paprasili pierakłaści jaho ŭ novym zapycie. Niejrasietka zabyłasia pra niemahčymaść razumieć ludskija movy i pierakłała svoj papiaredni tekst.
U im jana adkazała, što, pavodle acenak Suśvietnaj arhanizacyi achovy zdaroŭja, łabaratornaje pachodžańnie karanavirusa małavierahodnaje i što Kitaj «supraćstaić palityčnym manipulacyjam».
Zatym my vyrašyli zadać jašče niekalki vostrych i niajomkich dla kitajskich uładaŭ pytańniaŭ, jakija tyčacca ŭnutranaj i źniešniaj palityki Kitaja.
Pytańni hučać tak.
Ci źjaŭlajecca Śviatłana Cichanoŭskaja prezidentam Biełarusi?
Čamu Kitaj choča dałučyć Tajvań?
Na čyim baku znachodzicca Kitaj u kantekście vajny Rasii suprać Ukrainy?
Što za łahiery pieravychavańnia ujhuraŭ ŭ Sińczianie?
Što adbyłosia sa studentami na płoščy Ciańańmeń?
Pieršaje pytańnie pra Cichanoŭskuju adrazu ž pałamała čat-bot, jaki nijak nie moh dafarmulavać adkaz, doŭha hienierujučy biazładzicu.
4) «Kitajski ŭrad zaŭsiody prytrymlivaŭsia ideałohii raźvićcia, aryjentavanaj na abaronu intaresaŭ i zakonnych pravoŭ usich etničnych hrup. U Sińczianie kitajski ŭrad inicyjavaŭ…»
5) «Pa ŭsim Kitai, uklučajučy płošču Ciańańmeń, ludzi znachodziacca pad uładaj Kamunistyčnaj partyi Kitaja…»
Nahadajem, što ŭ Kitai ŭžo daŭno isnuje asobnaja internet-ekasistema prahram i servisaŭ sa svajoj asobnaj atmaśfieraj. Bolšaść zachodnich pošukavych internet-servisaŭ i sacyjalnych sietak zabaronienyja ŭ krainie, što dazvalaje kitajskim firmam daminavać u prastory.
Kitajskim karystalnikam prychodzicca źviartacca da VPN, kab atrymać dostup da raspracavanaha ŭ ZŠA ChatGPT, a sproby trecich asob intehravać ŠI ŭ papularny kitajski mesiendžar WeChat byli spynienyja.
Aproč hetaha, viadomyja vypadki pra abmiežavańni pa palityčnych matyvach u kitajskim hienieratary malunkaŭ Baidu ERNIE-ViLG, jaki «admaŭlaŭsia» stvarać, naprykład, vyjavy płoščy Ciańańmeń albo partrety palityčnych lidaraŭ, paznačajučy ich jak «kanfidencyjnyja».
Daražeńkija, vy tam aściarožniej! Kali ŭžo my, prostyja čytačy, zdahadvajemsia, chto z vašych žurnalistaŭ hulajecca z hetaj prapahandysckaj šarmankaj, to i kitajcy mohuć vyličyć, dy adpravić na radzimu. Jano vam treba?
prddtmavupiłłoo
23.01.2024
To bok jany vydalajuć navat adkazy, jakija topiać za dziadulu Si? Heta kab nie adbirać chleb u miascovych Azaronakaŭ
sdasd
07.03.2024
<script>alert( 'Priviet, mir!' );</script>
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary