Rekruta PVK «Vahnier» z Uźbiekistana asudzili na piać hadoŭ za najomnictva va Ukrainie. Jon navat nie dajechaŭ da frontu
Alaksiej Chamatchanaŭ vylecieŭ u mai 2023 hoda z rodnaha Taškienta ŭ Maskvu i nieŭzabavie padpisaŭ kantrakt z PVK «Vahnier», paśla čaho adpraviŭsia na trenirovačnuju bazu ŭ Krasnadarskim krai.
Da frontu dajechać nie paśpieŭ, PVK była rearhanizavana, a Alaksiej trapiŭ u mihracyjny centr u Sacharavie, raspaviała Readovka jaho maci Taćciana.
Tam jon vykazaŭ žadańnie padpisać kantrakt ź Minabarony. Maŭlaŭ, z samaha pačatku chacieŭ vajavać z «ukrainskim nacyzmam». Spačatku jamu adkazali zhodaj, ale zamiest hetaha departavali na radzimu.
Va Uźbiekistanie ŭ listapadzie minułaha hoda jaho i aryštavali, a praz dva miesiacy asudzili na piać hadoŭ pazbaŭleńnia voli pa artykule «najomnictva».
Pa słovach maci, sudździa nie staŭ chavać, što sprava jaje syna — vyklučna palityčnaja i što jon byŭ vymušany adpravić jaho ŭ turmu, bajučysia vynieści źmiakčany prysud. Žančyna padała apielacyju i moža tolki spadziavacca na toje, što sprava budzie pierahledžana.
Raniej paviedamlałasia, što anałahičnyja terminy za najomnictva ŭ PVK «Vahnier» byli vyniesienyja ŭ Kazachstanie i Kyrhyzstanie.
Kamientary
Soramna jak pierad ukraincami.