Zasnavalnik hurtoŭ Boney M i Milli Vanilli niamiecki pradziusar Frenk Faryjan pamior u siabie doma ŭ Majami, paviedamiła ahienctva Allendorf Media ad imia jaho siamji. Spradziusavanyja i napisanyja im tancavalnyja pieśni zajmali vierchnija pazicyi čartaŭ u 1970-ja i 1980-ja hady. Jamu było 82 hady.
Faryjan naradziŭsia ŭ 1941 hodzie ŭ Kirnie (paŭdniovy zachad Hiermanii). Ad naradžeńnia jaho zvali Francam Rojtaram. Jon atrymaŭ adukacyju šef-kuchara.
Muzyčnuju karjeru pačaŭ jak śpiavak, a potym jak pradziusar. Faryjan taksama pracavaŭ z takimi muzykami, jak Meat Loaf i Styvi Uander. Jak paviedamlajecca, jon pradaŭ kala 800 miljonaŭ płaścinak pa ŭsim śviecie.
Hurt Boney M Faryjan zasnavaŭ u 1975 hodzie i byŭ saaŭtaram takich chitoŭ kalektyvu, jak Daddy Cool, Rasputin, Mary's Boy Child, Ma Baker.
Papularnaja ŭ Jeŭropie Boney M stała pieršaj zachodniaj pop-hrupaj, jakaja vystupiła ŭ SSSR, jana była zaprošanaja na kancert u Maskvie niezadoŭha da maskoŭskaj Alimpijady. Tady joj dazvolili źniać klip na Krasnaj płoščy.
Pieršy albom inšaha zasnavanaha Faryjanam hurta, Milli Vanilli, byŭ šeść razoŭ płacinavym u ZŠA ŭ 1989 hodzie, a miunchienski duet atrymaŭ premiju Hremi jak najlepšy novy vykanaŭca. Paźniej vyśvietliłasia, što muzyki vystupajuć pad fanahramu, a ich pieśni zapisanyja inšymi ludźmi. Upieršyniu ŭ historyi premii jana była adklikanaja.
U 2022-m Faryjan pieranios apieracyju pa zamienie sardečnaha kłapana.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary