U Biełharadskaj vobłaści Rasii ŭpaŭ vajskovy Ił-76. Zahinuli 74 čałavieki. Mahčyma, heta byli pałonnyja ŭkraincy
Vajenna-transpartny samalot Ił-76 upaŭ u Karačanskim rajonie Biełharadskaj vobłaści. Na borcie byli 74 čałavieki, usie jany zahinuli. Ukrainskija ŚMI sa spasyłkaju na krynicy ŭ Siłach abarony zajavili, što samalot byŭ źbity USU. Minabarony Rasii śćviardžaje, što na borcie byli 65 ukrainskich pałonnych.
Momant padzieńnia samalota trapiŭ na videa.
Minabarony Rasii śćviardžaje, što na borcie Ił-76 byli 65 pałonnych USU, jakich pieravozili dla abmienu, a taksama 6 členaŭ ekipažu i 3 supravadžajučyja. Ahułam 74 čałavieki, jany ŭsie zahinuli.
«Ukrainskaja praŭda» sa spasyłkaj na krynicy ŭ Siłach abarony spačatku pisała, što rasijski samalot Ił-76 byŭ źbity USU. Ukraincy śćviardžali, što samalot pieravoziŭ rakiety da kompleksaŭ S-300, jakimi abstrelvajuć Charkaŭskuju vobłaść, potym dopis byŭ adredahavany.
Rasijanie davodziać, što papiaredžvali Ukrainu pra toje, što buduć pieravozić pałonnych.
Łukašenkaŭcy ŭpieršyniu za doŭhi čas pakazali Viktara Babaryku30
Kamientary