У Белгарадскай вобласці Расіі ўпаў вайсковы Іл-76. Загінулі 74 чалавекі. Магчыма, гэта былі палонныя ўкраінцы
Ваенна-транспартны самалёт Іл-76 упаў у Карачанскім раёне Белгарадскай вобласці. На борце былі 74 чалавекі, усе яны загінулі. Украінскія СМІ са спасылкаю на крыніцы ў Сілах абароны заявілі, што самалёт быў збіты УСУ. Мінабароны Расіі сцвярджае, што на борце былі 65 украінскіх палонных.
Момант падзення самалёта трапіў на відэа.
Мінабароны Расіі сцвярджае, што на борце Іл-76 былі 65 палонных УСУ, якіх перавозілі для абмену, а таксама 6 членаў экіпажу і 3 суправаджаючыя. Агулам 74 чалавекі, яны ўсе загінулі.
«Украінская праўда» са спасылкай на крыніцы ў Сілах абароны спачатку пісала, што расійскі самалёт Іл-76 быў збіты УСУ. Украінцы сцвярджалі, што самалёт перавозіў ракеты да комплексаў С-300, якімі абстрэльваюць Харкаўскую вобласць, потым допіс быў адрэдагаваны.
Расіяне даводзяць, што папярэджвалі Украіну пра тое, што будуць перавозіць палонных.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку44
Каментары