Va Ukrainie raspaŭsiudžvałasia supiarečlivaja infarmacyja pra adstaŭku Załužnaha. Pakul, zdajecca, jon zastajecca
Va Ukrainie 29 studzienia stali chadzić nastojlivyja čutki pra nibyta adstaŭku hałoŭnakamandujučaha USU Valeryja Załužnaha. Ananimnyja telehram-kanały, asobnyja palityki i navat niekatoryja ŚMI pačali pisać pra heta nibyta navat jak pra ździejśnieny fakt, ale paćviardžeńnia hetamu pakul niama.
Krynicy aŭtarytetnaha vydańnia «Ukrainskaja praŭda» ŭ Radzie nacyjanalnaj biaśpieki i abarony Ukrainy, SBU i Minabarony śviedčać, što ŭkazu Zialenskaha na hety kont jašče niama, ale pytańnie nibyta sapraŭdy razhladajecca:
«Jaho vyklikali i prapanavali inšuju pasadu, u pryvatnaści pasadu pasła. Jon admoviŭsia. Ukaza niama. Ale jon užo źbiraje rečy», — raskazaŭ adzin z surazmoŭcaŭ «Ukrainskaj praŭdy».
Taksama pra nibyta adstaŭku Załužnaha sa spasyłkaj na svaje krynicy, «blizkija da vajskova-palityčnaha kiraŭnictva krainy» paviedamlali vydańni «Cienzor.niet» i «Interfaks-Ukraina».
Z admysłovym kamientarom na hety kont spačatku vystupiła Minabarony Ukrainy:
«Pavažanyja žurnalisty, adrazu adkazvajem usim: nie, heta niapraŭda».
Nieŭzabavie i pres-sakratar prezidenta Ukrainy Siarhiej Nikifaraŭ ŭ adkaz na pytańnie žurnalistaŭ «Ukrainskaj praŭdy» adkazaŭ na hety kont:
«Dakładna nie».
Inšych padrabiaznaściaŭ pradstaŭnik Uładzimira Zialenskaha nie padaŭ. A sam prezident Ukrainy padčas svajho tradycyjnaha viačerniaha zvarotu ničoha pra heta ŭvohule nie zhadvaŭ.
ZŠA papiaredžvali, što Rasija vysadzić vojski ŭ Hastomli, kab zachapić Kijeŭ. Ale Zialenski nie pavieryŭ
Załužny pavinšavaŭ z 2024 hodam rolikam z vajskoŭcami, pad jakim padpisalisia b 97% pracentaŭ biełarusaŭ
«Usio adno my ŭsie pamrom». Pazaštatnaja daradca Załužnaha skazała hłupstva, jon adreahavaŭ pa-vajskovamu radykalna
Prapahandysty zajavili pra razhrom sietki salidarnaści i aryšt jaje ŭdzielnikaŭ5
Kamientary