Na rynku Valarjanava źjavilisia pamidory pa 130 rubloŭ za kiło. Adkul jany takija?
Błohier «Mierzkij Kokobaj» vykłaŭ fota aharodninnaha łatka ź minskaha rynku Valarjanava. Na im vyjaŭlenyja pamidory, ceńnik na jakija prosta pałochaje: 130 rubloŭ za kiłahram. Pry hetym zvyčajnyja pamidory ŭ supiermarkiecie pradajucca prykładna pa 10 rubloŭ za kiłahram. Što heta za płady i čamu na ich takaja vialikaja cana, pasprabavaŭ daviedacca Blizko.by.
Na ceńniku napisana, što heta pamidory sortu «Čiery miadovaje» ź Ispanii. Taksama na pładzie bačnyja jarłyčki sa słovami Looye Honig Tomaten» (miadovyja pamidory Looye). Pa takich słovach u internecie znachodzicca kampanija Looye Kwekers, pradstaŭnictvy jakoj raźmieščanyja ŭ dvuch haradach: Nałdviejk i Burhierviejen. Ale abodva jany znachodziacca nie ŭ Ispanii, a ŭ Niderłandach.
Adnosna hetych samych pamidoraŭ sajt vytvorcy paviedamlaje:
«Tolki ad 20 da 25% našych praduktaŭ zasłuhoŭvajuć hanarovaha zvańnia miadovych pamidoraŭ Looye. Pa ćviordym prykusie vy možacie vyznačyć, nakolki śviežy miadovy pamidor Looye. I tady pačynajecca simfonija smakavych składnikaŭ u rocie: spačatku cudoŭnaja śviežaść, za jakoj staić piaščotnaja miadovaja słodyč, jakoj duchmiany pamidor abaviazany svajoj nazvaj. I, narešcie, vy adčujecie dalikatnuju kiślinku, jakaja tolki dapaŭniaje ihru intensiŭnych smakavych not u rocie».
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary