MZS RF ździekliva pažartavała, što Izrail nie moža viarnuć zakładnikaŭ ź siektara Haza — u adroźnieńnie ad muzykaŭ «Bi-2»
Zaraz na terytoryi ekskłava znachodziacca bolš za 100 zakładnikaŭ, zachoplenych bajevikami ŭ pačatku kastryčnika minułaha hoda.
MZS Rasii ŭ aficyjnym telehram-kanale apublikavała kamientar ab vyzvaleńni i adjeździe hrupy «Bi-2» z Tajłanda ŭ Izrail. Usia publikacyja tyčycca taho, što muzyki admovilisia naohuł uzajemadziejničać z supracoŭnikami pasolstva i konsulstva Rasii, piša The Insider.
Zakančvajecca paviedamleńnie ździekam, što Izrail nie moža viarnuć dadomu zakładnikaŭ, jakija znachodziacca ŭ siektary Haza: «z razumieńniem stavimsia da sprobaŭ izrailskich dypłamataŭ prademanstravać mahčymaści pa vyzvaleńni, kali nie zakładnikaŭ, to muzykaŭ».
Ciapier na terytoryi ekskłava znachodziacca bolš za 100 zakładnikaŭ, zachoplenych bajevikami ŭ pačatku kastryčnika minułaha hoda. Paśla adnaŭleńnia bajavych dziejańniaŭ CHAMAS u Izraili zahinuła 20 rasijanaŭ, siem ličacca źnikłymi bieź viestak (źviestki na kaniec kastryčnika 2023 hoda).
Tady rasijski pasoł u Tel-Avivie zajaviŭ, što nasamreč zahinułych rasijanaŭ moža być bolš. Taksama niekalkich zakładnikaŭ, jakich pavieźli na terytoryju siektara Haza, Rasii ŭdałosia vyzvalić — ich vydaŭ CHAMAS u jakaści padziaki za padtrymku terarystaŭ rasijskimi ŭładami i asabista Uładzimiram Pucinym.
«Bi-2» byli aryštavanyja ŭ Tajłandzie 26 studzienia, i dziakujučy ŭmiašańniu niekalkich dypmisij, u pryvatnaści Izraila, zmahli vylacieć z krainy ŭ Tel-Aviŭ. Sa słoŭ muzykaŭ i krynic Bloomberg, pieraśled byŭ «zamoŭleny» ŭładami Rasii.
Raniej situacyju prakamientavała i izrailskaje MZS. Ministerstva nazvała heta dypłamatyčnaj pieramohaj i pracytavała vysłoŭje, ź jakim uznaharodžvajuć niehabrejaŭ, jakija ratavali habrejaŭ ad nacystaŭ u Chałakost.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary