Viarchuška MNS, prakurory, deputaty. Stała viadoma, čamu Ukraina ŭdaryła pa piakarni ŭ Lisičansku
U subotu, 3 lutaha, źjavilisia infarmacyja pra abstreł ŭkrainskim bokam akupavanaha Lisičanska. Pad udar z RSZA HIMARS patrapiła piakarnia. Zahinuła 28 čałaviek. Ciapier stali viadomyja padrabiaznaści.
Jak napisała rasijski vajenny karespandent Julija Andryjenka, piakarnia znachodziłasia ŭ kafe. U subotu ŭ im śviatkavali dzień naradžeńnia haspadara piakarni. Na im prysutničała «viarchuška MNS, prakurory, deputaty miascovyja».
U vyniku abstrełu zahinuła 28 čałaviek, jašče dziesiać było vyratavana z-pad zavałaŭ. Pa ŭdakładnienych źviestkach, pad udar patrapiŭ budynak restarana «Adryjatyk».
Pa infarmacyi ŭkrainskaj haradskoj administracyi Lisičanska, piakarnia ŭ hetym miescy stała funkcyjanavać užo paśla akupacyi horada. Tam naładzili vypiečku chleba dla rasijskich vojskaŭ. Akramia hetaha, u restaranie pravodzilisia narady.
Jak pišuć sami rasijskija błohiery, udar byŭ nievypadkovym. Navodčyk byŭ adnaznačna pobač.
«Hetaja trahiedyja pavinna stać raz i nazaŭždy napaminam žycharam pryfrantavych haradoŭ, dy i nie tolki pryfrantavych. Asabliva tym žycharam, deputatam, słužbovym asobam, na jakich i tak paluje HUR — nie źbiracca ŭ adnym nieabaronienym miescy, palahčajučy vorahu zadaču źniščyć usich adnoj rakietaj», — piša adzin z Z-błohieraŭ.
Lisičansk pierajšoŭ pad kantrol rasijskich vojskaŭ u lipieni 2022 hoda paśla niekalki miesiacaŭ praciahłych bajaŭ. Da vajny ŭ im pražyvała 110 tysiač čałaviek. Ciapier — kala 37 tysiač.
Čytajcie jašče:
U Vałhahradzie hareŭ bujny naftapierapracoŭčy zavod. Tudy śpikiravaŭ bieśpiłotnik
Ukrainskija raźviedčyki źniščyli ŭ Krymie rasijski rakietny katar
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary