Nas čakaje dva dni miarzotnaj słoty, ale miescami +9°S, a ŭ čaćvier vierniecca sapraŭdnaja zima
Prahnoz nadvorja na 6—8 lutaha.
6 lutaha ŭ mnohich rajonach Biełarusi projduć apadki (śnieh, mokry śnieh, doždž). Miescami čakajucca słaby hałalod i nalipańnie mokraha śniehu, na asobnych učastkach daroh hałalodzica. Viecier miescami paryvisty, dniom pa paŭdniovym zachadzie krainy ŭ asobnych rajonach mocny paryvisty.
Nočču 0..-5°S, maksimalnaja dniom -2..+4°S; pa paŭdniovym zachadzie respubliki: nočču +1..+3°S, dniom +5..+9°S. U Minsku čakajecca -1..+1°S.
7 lutaha nadvorje budzie vyznačać cykłon, jaki pieramiaščajecca z poŭdnia Šviecyi praź Biełaruś na centralnyja rajony Jeŭrapiejskaj terytoryi Rasii.
Na bolšaj častcy terytoryi krainy projduć apadki (śnieh, mokry śnieh, doždž), nočču i ranicaj miescami čakajecca mocny śnieh. U asobnych rajonach prahnazujucca nalipańnie mokraha śniehu, słaby tuman i hałalod, na darohach hałalodzica. Viecier pieramiennych napramkaŭ paryvisty, miescami, a dniom u mnohich rajonach pa poŭdni Biełarusi mocny paryvisty.
Nočču budzie znachodzicca ŭ miežach ad -7°S pa paŭnočnym uschodzie da +6°S pa paŭdniovym zachadzie krainy; maksimalnaja dniom składzie ad -4°S pa poŭnačy da +8°S. U Minsku čakajecca ad 0°S da minus 2°S.
U čaćvier, 8 lutaha, nočču na bolšaj častcy terytoryi, dniom miescami pa krainie projdzie nievialiki karotkačasovy śnieh, mokry śnieh. U asobnych rajonach słaby tuman i hałalod, na darohach hałalodzica.
Nočču -3..-10°S, pry prajaśnieńniach pavietra budzie achałodžvacca da -13°S, pa poŭdni krainy jana składzie -2..+1°S, maksimalnaja dniom ad -6°S pa paŭnočnym uschodzie da +2°S pa poŭdni i paŭdniovym zachadzie Biełarusi. U Minsku ranicaj -7°S, udzień minus 2°S, da viečara minus 5°S.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary